މިޞްރުގެ އިގްތިސާދަށް އިންފޮމޭޝަން ޓެކްނޮލޮޖީން ޙިއްސާ ކުރާ މިންވަރު އިތުރު ވަމުންދާ ކަމަށް މިސްރުން ބުނެއެވެ. މިދިޔަ އަހަރުގެ ކުރީ އަހަރުގައި ގައުމީ އިގްތިސާދަށް އައިޓީގެ ހިއްސާ އޮތީ 3،2 ޕަސެންޓްގައެވެ. ނަމަވެސް ނިމިދިޔަ އަހަރު މިއަދަދު 5 އިންސައްތައަށް އިތުރު ވެފައެވެ.
މިސްރުގެ އަމާޒަކީ އައިޓީގެ ދާއިރާއިން ގައުމީ އިގްތިސާދަށް ޙިއްސާ ކުރާ މިންވަރު ކުރިއަށް އޮތް ތިން އަހަރުގެ ތެރޭގައި 8 އިންސައްތައަށް އިތުރު ކުރުމެވެ.
މިސްރުން ދަނީ ޑިޖިޓަލް އިޖިޕްޓްގެ ނަމުން ގައުމީ މަޝްރޫއެއްވެސް ހިންގަމުންނެވެ. މީގެ ދަށުން 4 ބިލިއަން އިޖިޕްޝަން ޕައުންޑް ހޭދަކޮށްގެން ދަ ޔުނިވަރސިޓީ އޮފް އިންފޮމެޓިކްސްވެސް ހިންގަމުން ގެންދެއެވެ.
އައިޓީ ސެކްޓަރގެ ސިޔާސަތު މައިގަނޑު ގޮތެއްގައި މިސްރުގައި ބިނާކޮށްފައިވާ މައިގަނޑު ތިން ކަމަކީ، ޑިޖިޓަލް ހުނަރުތައް އަށަގެންނެވުމާއި ޑިޖިޓަލްގެ ދާއިރާއިން އައު އީޖާދީ ކަންކަން ފަހިކޮށްދިނުމާއި ޑިޖިޓަލް ވެށްޓަށް ފަހިވާ ގޮތަށް ބަދަލުތައް ގެނައުމަށް މަސައްކަތް ކުރުމެވެ.
