އަލްޖަޒާއިރު ފަރަންސޭސި އިސްތިއުމާރުން ސަލާމަތް ކޮށްދިން އަމީރު އަބްދުލްޤާދިރުގެ ހަނދާނުގައި ފްރާންސްގެ ވެރިރަށް ޕެރިހުގެ ހުޅަނގު ދެކުނުގައި އޮންނަ އަމްބޯއީޒް ސިޓީގައި ހަނދާނީ ބިނާއެއް އިފްތިތާހުކޮށްފަ އެވެ. އަމީރު އަބްދުލްޤާދިރު އަކީ ފަރަންސޭސިން ބުނި ގޮތުގައި އެމީހުންގެ އެންމެ ބޮޑު ހަތުރެވެ. އޭނާއަކީ އަލްޖަޒާއިރުގެ މިނިވަންކަމުގެ ބައްޕައެވެ.
މި ހަނދާނީ ބިނާގައި ބަހައްޓާފައި ވަނީ މެޓަލް ޕްލޭޓެއްގައި ކުރަހާފައިވާ އަމީރު އަބްދުލްޤާދިރުގެ ފޮޓޯއެކެވެ. މި ފިލާ ހަރުކުރުމުގެ ކުރިން ބަޔަކު ވަނީ މިއަށް ގެއްލުން ދީފައެވެ. ސިޓީގެ މޭޔަރ ވިދާޅުވީ މިފަދަ ފަންނީ މަސައްކަތަކަށް ބަޔަކު ފުރައްސާރަ ކުރީތީވެ އޭނާ ލަދުވެތިވެ ވަޑައިގަންނަވާ ކަމަށެވެ.
އަމީރު އަބްދުލްޤާދިރުގެ ހަނދާންތައް އާލާކޮށް، ފަރަންސޭސި ރައީސް މެކްރޮން ބޭނުންފުޅުވަނީ އޭނާގެ ގައުމާއި އަލްޖަޒާއިރުގެ އިސްތިއުމާރާއި އަނިޔާވެރިކަމާ ގުޅުވާފައިވާ ކަޅު ތާރީހުން ސަލާމަތް ވެވަޑައި ގަންނަވާށެވެ. މި މުނާސަބާއަކީ އަލްޖަޒާއިރު މިނިވަންވިތާ 60 އަހަރު ފުރުން ފާހަގަ ކުރުމުގެ ގޮތުން، ބިނާކުރި ހަނާދާނީ ބިނާއެކެވެ.
