ފިރިހެން ދަރިއަކު ބޭނުންވެގެން ޕާކިސްތާނުގެ މާބަނޑު އަންހެނެއްގެ ބޮލަށް މޮހޮރެއް ޖަހައިފިއެވެ. އަންހެން މީހާއަށް މިހާރުވެސް ތިން އަންހެން ކުދިން ލިބިފައިވެއެވެ. އޭނާގެ އަންހެނުންނަށް އޭނާ އެންގީ ހަތަރުވަނަ އަންހެން ކުއްޖަކު ވިހައިފިނަމަ ވަރިކޮށްލާނެ ކަމަށެވެ.
ފަންޑިތަވެރިއެއްގެ ގާތަށް ދިއުމުން އެމީހާ ނަސޭހަތްދިނީ ފިރިހެން ކުއްޖަކު ހޯދުމަށް ބޮލެއް މިހޮރެއް ޖަހާށެވެ.
ފުލުހުން ބުނީ މިއީ ބޮޑު މައްސަލައެއް ކަމަށެވެ. އަދި ސަޕޯޓްސާވިސްގެ މީހުން އަންހެން މީހާއާ ވާހަކަދައްކައި ކަން ހިގައި ދިޔަ ގޮތް ބަލަމުން އަންނަ ކަމަށެވެ.
ޕޭޝާވަރުގެ ލޭޑީ ރެޑިންގ ހަސްފަތާލުގެ ޑޮކޓަރަކު ބުނިގޮތުގައި ނަސީބަކުން މޮހޮރު މި ކަނބުލޭގެ ސިކުނޑިއަށް ފޯރާފައެއް ނުވެއެވެ.
އަންހެނުންނާ މެދު އިސްލާމީ ޕާކިސްތާންގައި މާބޮޑު ގަދަރެއް ދެވިފައެއް ނުވެއެވެ. މިދިޔަ ހަމަސް ދުވަސް ތެރޭގައިވެސް އާއިލާގެ ޝަރަފް ރައްކާތެރިކުރުމުގެ ނަމުގައި 2400 އަންހެނުން މަރާލާފައި ވެއެވެ.
