ފެބްރުއަރީ މަހުގެ 14 ވަނަ ދުވަހުން ފެށިގެން ރާއްޖެއާއި އިތުރު 81 ގައުމަކުން އިންޑިއާއަށް ވައިގެ މަގުން އެތެރެވާ ފަސިންޖަރުންގެ ތެރޭން ވެކްސިން ފުރިހަމަ ކޮށްފައިވާ މީހުން ހަތް ދުވަހުގެ ކަރަންޓީން ވާން ނުޖެހޭ ގޮތަށް އިންޑިއާއިން ނިންމައިފިއެވެ. އޭގެ ބަދަލުގައި އެމީހުން އިންޑިއާއަށް އެތެރެ ވުމަށްފަހު 14 ދުވަސް ވަންދެން އަމިއްލައަށް ސިއްހަތު މޮނިޓާ ކުރަން ޖެހޭނެ ކަމަށް ބުނެފައި ވެއެވެ.
މި މީހުންގެ ތެރޭން ރެންޑަމްކޮށް 2 ޕަސެންޓް މީހުންނަށް ޕީސީއާރް ޓެސްޓް އެއަރޕޯޓްގައި ހަދާނެއެވެ. ކަރަންޓީނު މުއްދަތު އުވާލި ނަމަވެސް ފަސިންޖަރުން ދަތުރު ފެށުމުގެ 72 ގަޑިއިރު ކުރިން ނަގައިފައިވާ ޕީސީއާރު ޓެސްޓުގެ ނަތީޖާ ހުށަހަޅަން ޖެހެއެވެ.
