މުމްބާއީގެ ބޭސްއުފައްދާ ގްލެންމާކް ކުންފުނިން ކޮވިޑް-19 ގެ ބަލިމީހުންނަށް ފަރުވާ ދިނުމަށް ނޭފަތަށް ޖަހާ ބޭހެއް އުފައްދައި ބާޒާރަށް ނެރެފިއެވެ. މި ބޭސް އުފައްދާފައި ވަނީ ކެނެޑާގެ ސާނޮޓައިޒް ކުންފުންޏާ ގުޅިގެންނެވެ. އިންޑިއާގައި ނައިޓްރިކް އޮކްސައިޑް ނޭސަލް ސްޕްރޭ (ފަބީސްޕްރޭ) އުފައްދައި ވިއްކުމަށް އިންޑިއާގެ ބޭހަށް ހުއްދަ ދޭ ޑްރަގްސް ކޮންޓްރޯލާ ޖެނެރަލް އޮފް އިންޑިއާ ވަނީ ހުއްދަ ދީފައެވެ.
ގްލެންމަރކުން ބުނާ ގޮތުގައި ނައިޓްރިކް އޮކްސައިޑް ނޭސަލް ސްޕްރޭ ބޭނުން ކުރުމުން ވައިރަހާ ދެކޮޅަށް ޖިސްމާނީ އަދި ކެމިކަލް ހުރަހެއްގެ ގޮތުގައި އެ ބޭސް މަސައްކަތް ކުރާ ކަމަށެވެ.
ފެބީސްޕްރޭއަކީ ފުއްޕާމޭގެ މަތީފަށަލައިގައި ކޮވިޑް ވައިރަސް މަރާލާ ގޮތަށް ފަރުމާކޮށްފައިވާ ބޭހެކެވެ.
