މޮރޮކޯގައި ރައްޔާނު ވަޅަށް ވެއްޓިގެން މަރުވި ހާދިސާއާ ގުޅިގެން ފަޅު ވަޅުތަކާއި ހާމަ ނަރުދަމާތައް ސާވޭ ކުރަން ފަށައިފިއެވެ.
ރައްޔާންގެ ހިތާމަވެރި ހާދިސާ ތަކުރާރުވެދާނެ ކަމުގެ ބިރު ހީވެގެން، ކަސަބްލަންކާގެ ގިނަ ޕްރޮވިންސްތަކެއްގައި ވަޅުތަކާއި ނަރުދަމާތައް ބަންދުކުރުމުގެ މަސައްކަތް ވަނީ ފަށާފައެވެ.
ވަޅު ކޮނުމުގެ މަސައްކަތުގައި އުޅޭ ފަރާތްތައް ހޭލުންތެރި ކުރުމަށް ޕްރޮގްރާމެއްވެސް ހިންގަން ވަނީ ފަށާފައެވެ.
ޝެފްޝައުން ޕްރޮވިންސްގައި ހިނގާދިޔަ ހިތާމަވެރި ހާދިސާއަށްފަހު މަސްއޫލު ފަރާތްތަކުން ވަނީ ރައްޔާނު ވަޅަށް ވެއްޓުނު ސަރަހައްދަށް ޖަބަލު ރައްޔާނުގެ ނަމުން ނަން ދިނުމަށްވެސް ނިންމާފައެވެ.
އެހީ ވެދޭ ފަރަތްތަކުން ރަޔާން ސަލާމަތް ކުރުމުގައި ދެމިތިބި އިރު، އޭނާގެ ހަޔާތުގެ އެންމެ ފަހު ފަސް ދުވަސް ހޭދަކުރީ ވަޅުގެ އަނދިރިކަމުގެ ތެރޭގައި، 32 މީޓަރު އަޑީގައެވެ.
މޮރޮކޯއިން ވަނީ ލައިސަންސަކާ ނުލައި ވަޅުތައް ކޮނުމަކީ މަނާކަމެއްކަމަށްވެސް ނިންމާފައެވެ.
މޮރޮކޯގައި ގަވައިދާ ޚިލާފަށް އަހަރަކު ގާތްގަނޑަކަށް 1000 ވަޅުތައް ކޮނެއެވެ. ގަވާއިދާ ޚިލާފަށް ވަޅުތައް ކޮންނަ ފަރާތްތަކުގެ ޑްރިލް ކުރާ މެޝިންތައް އަތުލައިގަނެ، އެމީހުންނާ ދެކޮޅަށް ޖިނާއީ ދައުވާ ކުރާނެ ކަމުގެ އިންޒާރުވެސް ވަނީ ދީފައެވެ.
މިރޮކޯއިން ބުނާ ގޮތުގައި ގަވާއިދާ ޚިލާފަށް ކޮނެފައި ހުންނަ ވަޅުތަކުގެ ތަފާސްހިސާބެއް ރަސްމީ ފަރާތްތަކުގައި ނުހުރެއެވެ.
