އިސްރާއީލުގެ މީޑިއާއިން ބުނާ ގޮތުން ޔޫކްރެއިންގެ ސަރަހައްދަށް ރަޝިޔާއިން ހަމަލާއެއް ދީފާނެ ކަމުގެ މައުލޫމާތު ގަޑިއާއެކު ލަފާކޮށް، ވޮޝިންޓަނުން އިޒްރޭލަށް ދީފިއެވެ.
އެމެރިކާގެ ޚާރިޖީ ވަޒީރު އެންތަނީ ބްލިންކެން ވިދާޅުވީ، ހުޅަނގުގެ ގައުމުތަކުން ރަޝިޔާއާ ދެކޮޅަށް އަސްކަރީ ފިޔަވަޅު އެޅުމުގެ ފުރުސަތު ވަރަށް ގާތް ކަމަށާއި، ކިއޭވްގައި ހުންނަ އެމެރިކާގެ އެމްބަސީގެ ގިނަ މުވައްޒަފުން އަނބުރާ ގެންދާނެ ކަމަށެވެ.
ހަވާއީގައި ޖަޕާނާއި ދެކުނު ކޮރެއާގެ ފޮރިން މިނިސްޓަރުންނާ ބައްދަލުކުރެއްވުމަށްފަހު ބޭއްވި ނޫސްވެރިންގެ ބައްދަލުވުމުގައި ބްލިންކެން ވިދާޅުވީ ޔޫކްރެއިންގެ މައްސަލައިގައި ރަޝިޔާއާއެކު ޑިޕްލޮމެޓިކް މަގުން މަސައްކަތް ކުރުމަށް އަދިވެސް އޮތީ ހުޅުވާލެވިފައި ކަމަށާއި، މޮސްކޯއިން ހާލަތު ހަމައަކަށް އެޅުވުމަށް ބޭނުންވާ ކަމަށް ބުނެފައިވާ ކަމަށެވެ.
ބްލިންކެން މިފަދަ މޭރުމަކުން ވާހަކަފުޅު ދައްކަވާފައި މިވަނީ، އެމެރިކާގެ ރައީސް ޖޯ ބައިޑަން ރަޝިޔާގެ ރައީސް ވްލަޑިމިއަރ ޕޫޓިންއަށް ފޯނުން ގުޅުއްވައި އިންޒާރު ދެއްވިތާ ގަޑިއިރުތަކެއް ފަހުންނެވެ. ދެ ލީޑަރުން އެއްގަޑިއިރަށް ވާހަކަ ދެއްކެވިއެވެ. އަދި އިތުރު މަޝްވަރާތައް ބާއްވަންވެސް އެއްބަސްވެވަޑައިގަތެވެ.
މީޑިއާއިން ލަފާކުރާ ގޮތުގައި އެމެރިކާއިން އިޒްރޭލަށް ދިން މައުލޫމާތުން އެނގެނީ އަންގރަ ނޫނީ ބުދަދުވަހު ޔޫކްރެއިންއަށް ރަޝިޔާއަށް ހަމަލަ ދީފާނެ ހެންނެވެ.
އެމެރިކާއިން ބުނަނީ ރަޝިޔައިން މިފަދަ ފިޔަވަޅެއް އަޅައިފިނަމަ އެކަން ވެގެންދާނީ ތިން ވަނަ ބޮޑު ހަނގުރާމައަކަށެވެ.
