އިންޑިއާގެ މިނިވަންކަމަށް 100 އަހަރު ފުރޭ އިރު، އިންޑިއާއަކީ، އުފެއްދުންތެރިކަމާއި ޚިދުމަތުގެ ރޮނގުން އެންމެ ކުރީސަފުގައި ހަރަކާތްތެރިވާ ގައުމަކަށް ހެދުމަށް މިނިސްޓްރީތަކުން ގެންދަނީ އައު ވިޜަންއެއް ވިލަރެސް ކުރަމުންނެވެ.
ވިރަން އިންޑިއާ 2047 އެކުލަވާލަމުން ގެންދަނީ ކަމާ ގުޅޭ މިނިސްޓްރީތަކުގެ އިސް މަސްއޫލުވެރިންނެވެ. މި ކޮމިޓީން އެކުލަވާލާ ވިޜަން ޑޮކިއުމެންޓް ކެބިނެޓާ ހިއްސާ ކުރުމަށް ހަމަޖެހިފައި ވެއެވެ.
2047އަށް ދިއުމަށްޓަކައި އިންޑިއާއިން ވަނީ ކުރުމުއްދަތުގެ ލަނޑުދަނޑިތަކެއްވެސް ކަނޑައަޅާފައެވެ. އޭގެ ތެރޭގައި 2024ގެ ލަނޑުދަނޑިއާއި 2030ގެ ލަނޑު ދަނޑިއާއި 2047ގެ މައި ލަނޑުދަނޑިތައް ހިމެނެއެވެ.
އިންޑިއާގެ މައި ގަނޑު އަމަޒަކީ ގައުމުގެ މިނިވަންކަމަށް 100 އަހަރު ފުރޭއިރު، 2047 ވަނަ އަހަރު އަންނަންވާއިރަށް އިންޑިއާއަކީ 40 ޓްރިލިއަން ޑޮލަރުގެ އިގުތިސާދީ ބާރަކަށް ހެދުމަށެވެ.
މާލީ އަހަރު 2022ގައި އިންޑިއާގެ ޖުމުލަ އުފެއްދުންތެރިކަން އުޅެނީ 3.1 ޓްރިލިއަން ޑޮލަރުގައެވެ. މިއީ 2025ގެ ޓާގެޓަށް ވުރެން ފަސް ޓްރިލިއަން ޑޮލަރު މަދު މިންވަރެކެވެ.
އިންޑިއާގެ ގަވާއިދުތަކާއި، މުހިންމު އިޖްތިމާއީ އަދި އިގުތިސާދީ އިންޑިކޭޓަރުތައް ބައިނަލްއަގުވާމީ މިންގަނޑުތަކަށް ފެއްތުމާއި، އެކްސްޕޯޓަރުންނާއި ސިނާއީ އުފެއްދުންތައް އުފައްދާ ފަރާތްތަކުގެ މަސައްކަތްވެސް ބައިނަލްއަގުވާމީ މިންގަނޑުތަކަށް ފެއްތުމަށް މަސައްކަތް ކުރުމަކީ އިންޑިއާގެ ވަރަށް ބޮޑު އަމާޒެކެވެ.
