ސައޫދީ އަރަބިއްޔާގައި ބާއްވާ މުނިއުފާ ހަފްލާތަކުގެ އައު ދެ ކޮންސެޓެއް ބާއްވަން އިއުލާން ކޮށްފިއެވެ. ފުރަތަމަ ކޮންސެޓްގައި ބްރިޓިޝް މަލްޓިޕްލް ގްރެމީ އެވޯޑް ހާސިލުކޮށްފައިވާ ސީލް، މާރާޔާގައި ޕާފޯމް ކުރާނީ މިހަފްތާގެ ބުރާސްފަތި ދުވަހުއެވެ. މިއީ ދުނިޔޭގެ އެކި ކަންކޮޅުތަކުގައި 30 މިލިއަން އަލްބަމް ވިއްކި ލަވަކިޔުންތެރިޔާ އަލްޢުލާގައި ޕާފޯމްކުރާ ފުރަތަމަ ފަހަރެވެ.
އަލްޢުލާގެ މަރާޔާ އިމާރާތަކީ ދުނިޔޭގައި މޫނުބަލާ ލޯ ބޭނުންކޮށްގެން ހަދާފައިވާ އެންމެ ބޮޑު އިމާރާތެވެ. ސައޫދީ އަރަބިއްޔާގައި ކޮންސެޓް ބާއްވަނީ މި އިމާރާތުގައެވެ. ސަހާރާގެ މެދުތެރޭގައި މި އިމާރާތް ހަދާފައި ވަނީ ވަށައިގެންވާ ސަމޫދު ބާގައިގެ މީހުންގެ އާސާރުތަކާ ގުޅިލާމެހިގެންދާ ގޮތަކަށެވެ.
މިމަހު އަލްމަރާޔާގައި ބާއްވާ ދެވަނަ ކޮންސެޓަކީ، 24 ފެބުރުއަރީ ގައި އިރާގުގެ ޒުވާން ލަވަކިޔުންތެރިޔާ އަރަބި ޕޮޕް އައިޑަލް ރަޙްމާ ރިޔާދު ބާއްވާ ކޮންސެޓެކެވެ. ރިޔާދު ލަވަ ކިޔާނީ ބައިނަލްއަގުވާމީ ޕޮޕް ތަރި ނައިކާއާ އެކުގައެވެ.
2021 ވަނަ އަހަރުގެ އޮކްޓޯބަރު މަހުން ފެށިގެން މާރާޔާ ވަނީ އަލްޢުލާ އަށް ޒިޔާރަތްކުރާ ފަރާތްތަކަށް އަރަބި އަދި ހުޅަނގުގެ އާޓިސްޓުންނާއި އިންޓަނޭޝަނަލް އާޓިސްޓުންގެ 8 ލައިވް މިއުޒިކް ޝޯ ހުށަހަޅާފައެވެ.
