މިދިޔަ މަހު އިންޑިއާ ސަރުކާރުން އެއަރ އިންޑިއާއާ ޙަވާލުވެގެން ޓާޓާ ގްރޫޕުން ވަނީ ޓާކިޝް އެއާލައިންސްގެ ކުރީގެ ޗެއާމަން އިލްކަރ އަޔޭކީ އެއާ އިންޑިއާގެ މެނޭޖިން ޑިރެކްޓަރު އަދި ސީއީއޯގެ މަގާމަށް އައްޔަން ކޮށްފައެވެ. 1971 ވަނަ އަހަރު އިސްތަންބޫލަށް އުފަން މުޙައްމަދު އިލްކަރ އަޔޭކީ ތުރުކީގެ ވިޔަފާރިވެރިއެކެވެ. އަޔޭކީ އަކީ 1994 ވަނަ އަހަރު ރަޖަބް ތައްޔިބު އެރުދުޣާންގެ އެޑްވައިޒަރުގެ މަގާމުގައި ހުންނެވި ބޭފުޅެކެވެ. އޭނާ ވަނީ 2015 އިން 2022 އަށް ޓާކިޝް އެއާލައިންސްގެ ޗެއާމަންކަން ކުރައްވާފައެވެ.
ޓާޓާ އިން ދަނީ އެއަރ އިންޑިއާ ރިބްރޭންޑް ކުރަމުންނެވެ. އެގޮތުން ކުރޫން ބޯޓަށް އެރުމުގެ ކުރިން އެމީހުންގެ ބަރުދަން ބެލުމާއި އެމީހުންގެ ހެދުމާއި ސިފަހުރި ގޮތް ބެލުންވެސް ހިމެނެއެވެ. އަދި ބޯޓި ނައްޓާލުމުގެ ބައިގަޑި އިރުކުރިން ބޮޓުގެ ދޮރުތައް ބަންދުކޮށް ގަޑިއަށް ފުރައި އަދި ގަޑިއަށް ބޯޓުޖެއްސުމަށްވެސް ނިންމާފައި ވެއެވެ. މީގެ އިތުރުން ބޯޓުގެ ކާނާވެސް މިހާރަށް ވުރެން ފުރިހަމަ ކުރުމަށް ކޭޓަރިންގައި އުޅޭ ފަރާތްތަކާ ވާހަކަ ދައްކާފައި ވެއެވެ. އެއަރ އިންޑިއާއިން ދަނީ އެއަރއޭޝިއާ އިންޑިއާ މެދުވެރިކޮށް އިންޑިއާގެ އެކި ހިސާބުތަކަށް ކަނެކްޝަން ދިނުމަށްވެސް ނިންމާފައެވެ.
