ކޮވިޑާ ދެކޮޅަށް އުފެއްދި ފުރަތަމަ ވެކްސިންތަކުގެ ތެރެއިން އެއް ވެކްސިން އުފެއްދި ޖަރުމަނު ކުންފުނިން އެފްރިކާގައި ވެކްސިން އުފެއްދުމަށް މަސައްކަތް ފެށުމަށް ނިންމައިފިއެވެ.
ފުރަތަމަ ވެކްސިން އުފެއްދި ބިއޮންޓެކް ކުންފުނިން ވަނީ އެފްރިކާގައި ކޮންޓެއިނާއެއްގައި ލެބޯޓްރީއެއް އުފައްދައި ގިނަ ގައުމުތަކަށް ވެކްސިން ފޯރުވައި ދެވެގޮތް ހަދައިފައެވެ.
ދުނިޔޭގެ އެކި ޤައުމުތަކުގެ މެދުގައި ވެކްސިން ލިބުމުގައި ހުރި ބޮޑެތި ތަފާތުކުރުންތައް ނައްތާލުމުގެ މަޤްޞަދުގައި ސައިންސްވެރިންނާއި މަސައްކަތްތެރިން ކުރިއަށް އޮތް ތާނގައި އަހަރެއްގެ މައްޗަށް އެތައް މިލިއަން ޑޯޒެއް ވެކްސިން އުފައްދާނެއެވެ.
އެފްރިކާ ބައްރުގައި ވެކްސިން ލިބިފައި ވަނީ އާބާދީގެ އެންމެ 11 ޕަސެންޓް މީހުންނަށެވެ. އެއީވެސް ވެކްސިންގެ ފުރިހަމަ ޑޯޒެވެ.
މުޅި ދުނިޔޭގައިވެސް ވެކްސިން ދޭ ރޭޓް އެންމެ ދަށްކޮށް އުޅެނީ އެފްރިކާގައެވެ.
