އިންޑިއާއިން ކޮވިޑް-19އަށް މިދިޔަ 24 ގަޑި އިރު ތެރޭ އަލަށް ފައްސިވެފައިވާ މީހުންގެ އަދަދު ވިހި ހާހަށްވެސް ނާރައެވެ. އިންޑިއާގެ ހެލްތު މިނިސްޓްރީން ބުނިގޮތުގައި އަލަށް ފައްސި ވެފައި ވަނީ ވަނީ އެންމެ 19،968 މީހުންނެވެ. އަދި މިދިޔަ 24 ގަޑިއިރުގެ ތެރޭގައި 11،87،766 ސާމްޕަލް ނަގާފައި ވެއެވެ. މިއާއެކު މިހާރު ޕޮޒިޓިވްވާ ރޭޓް ދައްކަނީ 1.68 ޕަސެންޓުގައެވެ. އަދި ހަފުތާއަކު ޕޮޒިޓިވިޓީ ރޭޓް އުޅެނީ 2.27 ޕަސެންޓުގަ އެވެ.
މިދިޔަ 24 ގަޑިއިރުގެ ތެރޭގައި 48،847 މީހުން ބަލިން ރަނގަޅުވެފައި ވެއެވެ. އަދި މުޅި ޖުމްލަ ބަލިން ފަސޭހަވީ މީހުންގެ ޖުމުލަ އަދަދު ވަނީ 4،20،86،383 އަށް އަރާފައެވެ. އިންޑިއާގެ ރިކަވަރީ ރޭޓް އުޅެނީ 98.28 ޕަސެންޓަށް އަރާފައެވެ.
އެ ޤައުމުގައި ފާއިތުވި 24 ގަޑިއިރުގެ ތެރޭގައި ކޮވިޑްގައި މަރުވި މީޙުންގެ އަދަދަކީ 673 އެވެ. ކޮވިޑް-19 ގެ ސަބަބުން މުޅި ގައުމުން މަރުވި މީހުންގެ އަދަދު މިހާރު ވަނީ ފަސްލައްކައަށް އަރާފައެވެ.
