އިންޑިއާއާއި ޗައިނާގެ ގުޅުން ކަޑައްތު ކުރަމުން ދަނީ ވަރަށް އުދަގޫ މަރުހަލާއެއްކަމަށް އިންޑިއާގެ ޚާރިޖީ ވަޒީރު އެސް ޖަޔަޝަންކަރު ވިދާޅުވެއެވެ. މިއުނިކްގައި ބާއްވާފައި އޮތް ސަލާމަތީ ކަންތައްތަކާ ބެހޭ ކޮންފަރެސްންސްގައި ވާހަކަ ދައްކަވަމުން އޭނާ ވިދާޅުވީ، އިންޑިއާއި ޗައިނާގެ ގުޅުމުގެ ފެންވަރު ކަނޑައަޅާނީ ދެ ގައުމުގެ ސަރަހައްދުގެ ހާލަތުންނެވެ.
ޗައިނާއިން ވަނީ އިންޑިއާގެ ގެލްވާން ވާދީގެ ބައެއް ހިފައިގެން އެތާގައި ބްރިޖެއް އެޅުމަށް މަސައްކަތް ފަށާފައި ކަމަށް ރިޕޯޓްތައް ބުނެއެވެ.
މިޔުނިކް ސެކިއުރިޓީ ކޮންފަރެންސް 2022ގެ ޕެނަލް ޑިސްކަޝަންގައި ތަގުރީރު ކުރައްވަމުން ޖައިޝަންކަރު ވިދާޅުވީ، އިންޑިއާއާއި ޗައިނާއާ ދެމެދުގެ މައސަލައެއް އެބައޮތް ކަމަށެވެ. އޭނާ ވިދާޅުވީ 45 އަހަރު ވަންދެން ސުލްހަ މަސަލަސްކަން ބޯޑަރު މަތީގައި ގާއިމްވެ އޮތުމުން ކަންކަން އޮތީ ދެމަގުމުގެ ދެމެދު ހިމޭންކޮށް ކަމަށެވެ. އަދި 1975ން ފެށިގެން އިންޑިއާ ޗައިނާގެ ބޯޑަރުގައި އެއްވެސް ހަމަޖެހުމެއް ހިނގާފައި ނުވެއެވެ.
ޖަޔަޝަންކަރު ވިދާޅުވީ ޗައިނާއިން އިންޑިއާއާއެކު ހަދާފައިވާ އެއްބަސްވުންތަކާ ޚިލާފްވެ ލައިން އޮފް ކޮންޓްރޯލަށް ސިފައިން ވެއްދުމުން މައްސަލަ ގޯސްވެގެން ދިޔައީ ކަމަށެވެ.
ޖަޔަޝަންކަރު މި ކޮންފަރެންސްގައި ވާހަކަ ދައްކަވާފައި ވަނީ އިންޑޯޕެސިފިކް ފޯރަމްގައެވެ.
