އަފްޣާނިސްތާންގެ ބަމިޔާންގެ ބޮޑު ބުދު ތާލިބާނުން ތަޅާލި ހާދިސާއަކީ ދުނިޔެއަށް މަޝްހޫރު ހާދިސާއެކެވެ. މިބުދު ހުރި ހިސާބާ މާދުރުނޫން ހިސާބެއްގައި މީގެ ވިއްސަކަށް އަހަރު ކުރިން ތާލިބާނުން ދިން ހަމަލައެއްގައި އަފްޣާނިސްތާންގެ ފަންސާހަކަށް ކުދިން މަރުވެ ދިޔައެވެ. އޭގެ ތެރޭގައި ގިނައީ އަންހެން ކުދިންނެވެ.
މިހާރު އަނެއްކާވެސް ބަމިޔާންގައި ޚާއްސަ އެހެން ކަމެއް ކުރުމުން ދުނިޔޭގެ ސަމާލުކަމަށް އެކަން އައިސްފައި ވެއެވެ. ބަމިޔާންގައި އަންހެން ކުދިންނަށް ކިޔަވައިދޭ ސްކޫލެއް ތާލިބާނަށް ސިއްރުން ހިންގަމުން ގެންދެއެވެ. މި ސްކޫލު ހިންގަނީ ފަރުބަދަ މަތީ ހޮހޮޅައެއްގައެވެ.
މި ސްކޫލަކީ ކޮންމެ ދުވަހަކު ވެސް ދެ ގަޑިއިރު ވަންދެން ހިންގާ ސްކޫލެވެ. މިތާގައި ކުދިންނަށް ބޭސިކް އިންގްލިޝް، ދާރީ ބަސް، ހިސާބު، ޖިއޮގްރަފީ އަދި ކީރިތި ގުރުއާން ކިޔަވައިދެމުން ދެއެވެ. މި ތާގެ މުދައްރިސަކީ 22 އަހަރުގެ ފަރިޝްތާއެވެ. ފަރިޝްތާގެ މާނައަކީ މާލާއިކަތާއެވެ.
އޭނާ ކިޔައިދިން ގޮތުގައި އުމުރުން ހަތަރު އަހަރާއި 17 އަހަރާ ދެމެދުގެ ކުދިން މިތާގައި ކިޔަވައެވެ. މިއިން ގިނަ ކުދިންނަކީ ކައިރީގައި ހުންނަ ހޮހޮޅައެއްގައި ދިރިއުޅޭ 50 އާއިލާއެއްގެ ވިލެޖަކުން އަންނަ ކުދިންނެވެ.
އަންހެން ކުދިންނަށް އުގަންނައި ދިނުމުގައި ތާލިބާނުން ދެކޮޅެވެ.
