ފޭސްބުކްގެ ބެލެނިވެރި ކުންފުނި މެޓާ ޕްލެޓްފޯމް އިންކް އިން ހޮނިހިރު ދުވަހު ވަނީ ރަޝިއާގެ ސަރުކާރާ ގުޅުން ހުރި ދައުލަތުގެ މީޑިއާގެ އިޝްތިހާރާއި އެކްޓިވިޓީތައް އެފްބީގައި މަނާކޮށްފައެވެ.
ފެބްރުއަރީ މަހުގެ 26 ވަނަ ދުވަހު މެޓާއިން ނެރުނު ބަޔާނެއްގައި ބުނަނީ ރަޝިޔާގެ ރައީސް ވްލަޑިމިއަރ ޕޫޓިން ޔޫކްރެއިންއާ ދެކޮޅަށް ހަނގުރާމަ އިއުލާން ކުރެއްވުމުން ރަޝިޔާގެ މީޑިއާ މެޓާ ޕްލެޓްފޯމުގައި އިޝްތިހާރުކުރުމާއި އިޝްތިހާރުން ފައިސާ ހޯދުން މަނާކޮށްފައިވާ ކަމަށެވެ. މެޓާ ކުއްލި ގޮތަކަށް ރަޝިޔާގެ މީޑިއާ މަނާ ކުރުމާ ގުޅިގެން ރަޝިއާގެ ކޮމިއުނިކޭޝަންސް ރެގިއުލޭޓަރު ރޮސް ކޮމަންނާޑްޒޯރް ނެރުނު ބަޔާނެއްގައި ބުނެފައި ވަނީ މެޓާ އިން ރަޝިއާގެ ރައްޔިތުންގެ ހައްގުތަކާއި މިނިވަންކަން ނިގުޅައިގަންނަމުންދާ ކަމަށެވެ.
ރަޝިޔާއިން ވަނީ މެޓާގެ ސީއީއޯއަށް 2020 ވަނަ އަހަރުގެ އޮކްޓޯބަރު މަހުން ފެށިގެން ސެންސަރުކުރުމުގެ 23 މައްސަލައެއްގައި ފާޑު ކިޔާފައެވެ.
