އެމެރިކާއާއި ހުޅަނގުން އެޅި އިގްތިސާދީ ދަތިކުރުކުގެ ފިޔަވަޅަށް ރައްދެއްގެ ގޮތުގައި ރަޝިޔާގެ ނިއުކްލިއަރ ބާރުތައް ހައި އެލާޓަށް ގެނައުމަށް ރައީސް ވްލަޑިމިއަރ ޕޫޓިން އަމުރު ނެރުއްވައިފިއެވެ. އަދި ޕޫޓިންގެ މިއަމުރާ ގުޅިގެންރަޝިއަން ނިއުކްލިއަރ ޓިޓަރރެންސް ފޯސަސް މިހާރު އޮތީ ހައި އެލާޓްގައެވެ.
ރަޝިޔާގެ މައި ބޭންކުތައް ވަނީ ދުނިޔޭގެ މާލީ ނިޒާމުން އެކަހެރިކޮށް ސުވިފްޓް ކޯޑުން ކަނޑާލާފައެވެ.
އެމެރިކާއިން ބުނަނީ މި އަމުރަކީ، ރަޝިޔާގެ އުދުވާން ވަރުގަދަކޮށް އެކަން ދިފާއު ކުރުމަށް ޕުޓިން ދެމުންދާ އިންޒާރުތައް ކަމަށެވެ.
ވައިޓް ހައުސްގެ ޕްރެސް ސެކްރެޓަރީ ޖެން ޕަސާކީ ވިދާޅުވުގޮތުގައި ޕޫޓިން ތަކުރާރުކޮށް އެފަދަ އިންޒާރުތައް ދެމުންދާ ތަން ދަނީ ފެންނަމުންނެވެ. އަދި އެއްވެސް އިރެއްގައި ރަޝިޔާއަށް ނޭޓޯގެ ނުރައްކަލެއް ނެތް ކަމަށާއި ޔޫކްރެއިންގެ ފަރާތުންވެސް ރަޝިޔާއަށް ނުރައްކަލެއް ނެތްކަމަށް އޭނާ ވިދާޅުވިއެވެ.
އޭބީސީގެ މި ހަފްތާ"ޕްރޮގްރާމްގައި ޕަސާކީ ވިދާޅުވީ މިއީ ރައީސް ޕޫޓިންގެ ފަރާތުން ފެންނަމުންދާ ގޮތްތައް ކަމަށެވެ. އަދި އޭނާގެ ފުށުން މިފަދަ ނުރައްކަލެއް އޮތް ނަމަ އެމެރިކާ އޮތީ އެކަމާ ދެކޮޅަށް ތެދުވަން ކަމުގައި އޭނާ ވިދާޅުވިއެވެ. އަދި އެމެރިކާއަށްވެސް އަމިއްލަ ނަފްސު ދިފާއު ކުރުމުގެ ގާބިލްކަން އެބަހުރިކަމަށާއި ރައީސް ޕޫޓިންގެ ފަރާތުން ފެންނަ ކަންކަމަށް ސަމާލުވާން ޖެހެނެ ކަމަށެވެ.
ޕަސާކީ ވިދާޅުވީ ޔޫކްރެއިންއަށް އިތުރު އެހީތެރިކަން ފޯރުކޮށްދިނުމަށް އެމެރިކާ އޮތީ ތައްޔާރަށެވެ. ޕަސާކީ އިތުރަށް ވިދާޅުވީ، ރަޝިޔާގެ ހަކަތައިގެ ސިނާއަތަށް އަމާޒުކޮށް ވޮޝިންޓަންއިންވެސް ދަތިކުރުމުގެ ފިޔަވަޅު އަޅާފައި ނުވާ ކަމަށެވެ.
ޔުކްރެއިންގެ ޚާރިޖީ ވަޒީރު ޑިމިޓްރޯ ކުލޭބާ ވިދާޅުވީ، ޕޫޓިންގެ ނިއުކްލިއަރ ނުރައްކަލަކީ ރަޝިޔާއާއެކު މަޝްވަރާތައް ފެށުމުގެ ކުރިން ޔޫކްރެއިންއަށް ބިރު ދެއްކުމުގެ ގޮތުން ޕޫޓިން ކުރައްވާ ކަމެއް ކަމަށެވެ.
