އެމެރިކާގެ ސައިބަރ ސެކިއުރިޓީ ފާމެއް ކަމަށްވާ ސިމެންޓެކްގެ ސެކިއުރިޓީ ރިސާޗަރުން ބުނާ ގޮތުގައި ޗައިނާގެ ހެކަރުން ވަނީ ހެކް ކުރުމަށް އާދަޔާ ޚިލާފަށް މޮޅެތި ޓޫލްއެއް ހޯދާފައެވެ. އެމީހުންގެ އެ ޓޫލްއަކީ ކުރިން މީހުންގެ ސަމާލުކަން އެއާ ދިމާއަށް ގޮސްފައި ނުވާ ޓޫލެއް ކަމުގައި ބުނެއެވެ.
އެމެރިކާގެ މަސްއޫލުވެރިއަކު ވިދާޅުވީ، މި އައު ހޯދުމަކީ ފާއިތުވެދިޔަ ދުވަސްތަކުގައި އެމެރިކާ ސަރުކާރާ ހިއްސާކޮށްފައިވާ އައު މައުލޫމާތެކެވެ. އަދި އެމެރިކާއިން ވަނީ މި ހޯދުން އެމެރިކާގެ ބައިވެރިންނާވެސް ހިއްސާކޮށްފައެވެ.
ސިމަންޓެކުން ވަނީ ޑެކްސިން ނަމަކަށް ކިޔާ މި ޓޫލްއާއި ބެހޭ ދިރާސާތައް އާންމުކޮށް ޝާއިއުކޮށްފައެވެ.
އެމެރިކާގެ ސައިބަރ ސެކިއުރިޓީ އިންފްރާސްޓްރަކްޗަރ ސެކިއުރިޓީ އޭޖެންސީގެ އެސޯސިއޭޓް ޑިރެކްޓަރ ކްލޭޓަން ރޯމަންސް ވިދާޅުވީ، ޗައިނާ ހެކަރުންގެ މިޓޫލަކީ މީގެ ކުރިން ފެނިފައި ނުވާއެއްޗެއް ކަމަށެވެ.
ވޮޝިންޓަނުގާ ހުންނަ ޗައިނާ އެމްބަސީން މިވާހަކައަށް ރައްދު ދީފައެއް ނުވެއެވެ. ނަމަވެސް އަބަދު ޗައިނާއިންވެސް ބުނަނީ ޗައިނާއަކީވެސް ހެކަރުންގެ ހަމަލާތަކުގެ ޝިކާރައަށް ވާގައުމެއް ކަމަށެވެ.
ސިމެންޓެކުން ހެދި ދިރާސާގައި ޗައިނާއަށް އިޝާރާތް ކޮށްފައި ވަނީ ޗައިނާގެ ކޮމްޕޯނެންޓްތަކާ ޗައިނާ އިންފްރާސްޓްރަކްޗަރއާ މި ހެކަރ ޓޫލްއާ ވައްތަރުކަމުން ކަމަށް އެމެރިކާއިން ބުނެއެވެ.
