ރަޝިޔާއާއި ޔޫކްރެއިން މަންދޫބުންނާ ދެމެދު ކުރިއަށް ދިޔަ ސުލްހައިގެ މަޝްވަރާތައް ނިމިއްޖެއެވެ. މި މަޝްވަރާތަކުން އެއްވެސް ކަމެއް ހާސިލްވިކަމެއް ނުވަތަ ނޫންކަމެއް އަދި ސާފެއް ނުވެއެވެ. ނަމަވެސް ޔޫކްރެއިނުން ވަނީ ކްރައިމިއާ އާއި ޑޮންބާސް ސަރަހައްދު ހިމެނޭ ގޮތަށް ރަޝިއާގެ ހުރިހާ ސިފައިން އެ ގައުމުގެ ސަރަހައްދުން ފޭބުމަށް ޑިމާންޑްކޮށްފަ އެވެ.
އަނެއްކޮޅުން، ފަރަންސޭސި ރައީސް އެމްމެނުއަލް މެކްރޯންއަށް ކުރެއްވި ކޯލެއްގައި ރަޝިޔާގެ ރައީސް ޕޫޓިން ވިދާޅުވީ، ޔޫކްރެއިންއިން އަސްކަރީ ގޮތުން ބާރުކުޑަކޮށްލުމަށް އެއްބަސްވެއްޖެނަމަ، އަދި ކްރައިމިއާ އަކީ ރަޝިޔާގެ ދަށުގައި އޮންނަ ތަނެއްކަމަށް ބަލައިގަނެފިނަމަ، ރަޝިޔާއިން ހަނގުރާމަ ނިމުމަކަށް ގެނައުމަށް ތައްޔާރަށް ހުންނެވި ކަމަށެވެ.
އީޔޫގެ ރިއާސަތު ބަލަހައްޓަނީ ފަރަންސޭސިވިލާތުންނެވެ.
ޔުކްރެއިންގެ ރައީސް ވަނީ އީޔޫގެ މެމްބަރަކަށް ޔުކްރެއިން ވުމަށް އެދި މިއަދު ސޮއިކުރައްވާފައެވެ. )ފޮޓޯގައި(
އދގެ އާންމު މަޖިލީހުގެ ރައީސް އަބްދުﷲ ޝާހިދުގެ ރިއާސަތުގެ ދަށުން ރަޝިޔާގެ އުދުވާނީ ހަމަލާގެ ބަހުސް ވަނީ ފަށާފައެވެ. ޔުކްރެއިން އިން ވަނީ ރަޝިޔާ އެގައުމުން ފޭބުމަށް ގޮވާލާފައެވެ. އަދި ރަޝިޔާއިން ބުނެފައި ވަނީ މި އުދުވާން ފެށީ ޔުކްރެއިން އިން ކަމަށެވެ.
