މީޑިއާ ރިޕޯޓެއްގައި ވާގޮތުން ފުލުހުން ޕާކިސްތާނުގެ ފަސް މީހަކު ސްޕެއިންގައި ހައްޔަރު ކުރީ ފެބްރުއަރީ މަހުގެ 21 ވަނަ ދުވަހުއެވެ.
ސްޕެއިންގެ ފުލުހުން ބުނާ ގޮތުން މިމީހުން ވަނީ އެމީހުންނަށް ފާޑު ކިޔާ ޕާކިސްތާން މީހުން މެރުމަށް މީސްމީޑިއާ މެދުވެރިކޮށް ހިތްވަރު ދީފައެވެ. ސްޕެއިންގައި ތިބެގެން މިމީހުން އިރުޝާދު ދެމުން ދިޔައީ ޕާކިސްތާންގައި ތިބި ބަޔަކަށެވެ.
ހައްޔަރުކޮށްފައިވާ މީހުންނަކީ އިސްލާމިކް ސްޓޭޓް (އައިސިސް) އާއި އަލްގައިދާއަށް ވަކި ތާއީދު ކުރާ ބައެއްވެސް ނޫނެވެ. އެހެންނަމަވެސް މިމީހުންނަކީ ޕާކިސްތާންގެ އެންމެ ހަރުކަށި ދީނީ ޖަމާއަތް ކަމަށްވާ ތަހުރީކޭ ލައްބައިކަ ޖަމާއަތަށް ތާއީދު ކުރާ ބައެކެވެ.
މިމީހުންނަކީ އުމުރުން ވީހުގެ އަހަރުތަކުގައި އުޅޭ ބައެކެވެ.
ތަހުރީކޭ ލައްބައިކަ އަކީ ކާޓޫނު މައްސަލައިގައި ހައްދުފަހަނައަޅައިގެން ގޮސް މުޒާހަރާތަކެއް ކޮށް ޕާކިސްތާން ސަރުކާރު ގިއްގަޅުވާލުމަށް މަސައްކަތް ކުރި ޖަމާއަތެކެވެ.
