މީގެ ނުވަ މަސް ކުރިން ނައިޖަރުގައި ވަގަށް ނެގި ޗައިނާ މީހުން މިނިވަން ކޮށްފިއެވެ. ބުރުކިނާފާސޯގައި މިނިވަން ކޮށްފައިވާ މިމީހުން ވަގަށް ނެގީ، މި ހިސާބުގައި ހަރަކާތްތެރިވާ ޖިހާދީ ފިކުރުގެ މީހުންނެވެ.
ނައިޖަރުގެ ޓީވީގައި ހޯމަ ދުވަހުގެ ރޭ ވާހަކަފުޅު ދައްކަވަމުން ޗައިނާގެ އެމްބަސެޑަރ ވަނީ، އެމީހުން މިނިވަންވި ކަމަށްޓަކައި ޗައިނާ ސަރުކާރުގެ ފަރާތުން ޝުކުރު އަދާކުރައްވާފައެވެ.
އޭނާ ވިދާޅުވީ މިމީހުންމިނިވަންވުމުން ޓެރަރިޒަމާ ދެކޮޅަށް ކުރާ ހަނގުރާމައިގައި ނައިޖަރުގެ ކާމިޔާބީ ބޮޑުކަން ދައްކުވައިދޭ ކަމަށެވެ. ސަފީރު މިހެން ވިދާޅުވެފައިވަނީ ރައީސް މުހައްމަދު ބަޒޫމްއާ ބައްދަލުކުރެއްވުމަށްފަހު އެވެ.
ނައިޖަރުއާއި މާލީއާއި ބުރުކިނާފާސޯގެ ސަރަހައްދުގައި އައިސިސް ޓެރަރިސްޓް ޖިހާދީ ގްރޫޕުތަކުން ދަނީ ހަނގުރާމަ ކުރަމުންނެވެ. މި ހިސާބުގެ ސަރުކާރުތައް އަވަސްއަވަހަށް ސިފައިން އިންގިލާބްގައި ވައްޓާލަނީވެސް ޓެރަރިސްޓުންނާ ދެކޮޅަށް ސަރުކާރުން ފިޔަވަޅު އެޅުމަށް ނުކުޅެދޭކަމަށް ބުނެއެވެ.
މިމީހުން ވަގަށް ނަގާފައި ވަނީ ގިނަ އަދަދަކަށް ރަން ނަގާ މައިނެއްގެ ކައިރިންނެވެ.
