އިންޑިއާގައި ނިސްބަތުން އަންހެނުން މަދުވުމަކީ މިދިޔަ ސަރުކާރު ތަކުން ވަރަށް ބޮޑަށް ކަންބޮޑުވުން ފާޅުކޮށްފައިވާ ކަމެކެވެ. އިންޑިއާ ސަރުކާރުން އަންހެން ކުދިންނަށް ތަޢުލީމު އުނގަންނައިދީ، މުޖުތަމަޢުގައި އަންހެނުންގެ ޖުމްލަ ކުރިއެރުމަށްޓަކައި ގިނަ ފިޔަވަޅުތަކެއް ތައާރަފް ކުރުމުން އެކަމުގެ ނަތީޖާ މިހާރު ދަނީ ފެންނަމުންނެވެ.1961 ވަނަ އަހަރު ކޮންމެ 1000 ފިރިހެން ކުއްޖަކަށް ޖެހުނީ 976 އަންހެން ކުދިން ނެވެ. 2011 ވަނަ އަހަރު މި ނިސްބަތް ވަނީ އިތުރަށް ދަށްވެ، 918 އަށް ވެއްޓިފައެވެ.
ނެޝަނަލް ފެމިލީ ހެލްތު ސާވޭގެ އެންމެ ފަހުގެ ޑޭޓާއިން ދައްކާ ގޮތުގައި އަންހެން ކުދިންގެ ނިސްބަތް ދަނީ ރަނގަޅު ވަމުންނެވެ. އެންމެ ފަހުން އިންޑިއާގައި ކުރި ސާވޭގައި ކޮންމެ 1000 ފިރިހެނަކަށް 991 އަންހެނުން ޖހޭކަމަށް ދައްކައެވެ. އިންޑިއާގެ ސިޓީތަކަށް ވުރެ ވިލެޖްތަކުގެ އަންހެނުންގެ ނިސްބަތް މާރަނގަޅެވެ. ސިޓީތަކުގައި ކޮންމެ 1000 ފިރިހެނަކަށް 985 އަންހެނުން ނިސްބަތުން ޖެހެއެވެ. ވިލެޖްތަކުގައި މި ނިސްބަތް އުޅެނީ ކޮންމެ 1037 ފިރިހެނަކަށް 1000 އަންހެނުންނެވެ.
