ރަޝިޔާއާ ދެކޮޅަށް ދަތިކުރުމުގެ ފިޔަވަޅުތައް އަޅައި އެގައުމުގެ އިގްތިސާދު އިނދެ ޖައްސާލުމުގެ ސަބަބުން ރަޝިޔާއިން ވަނީ "ރަހުމަތްތެރި ނޫން ގައުމުތަކުގެ" ލިސްޓެއް އާންމު ކޮށްފައެވެ. މިއީ ޔޫކްރެއިންގައި ރަޝިޔާއިން ކުރަމުންދާ ހަނގުރާމަ ބައިނަލްއަގްވާމީ ފެންވަރުގައި ކުށްވެރިކުރުމާ ގުޅިގެން އެކަމަށް ރައްދު ދިނުމުގެ ގޮތުން މޮސްކޯއިން އެޅި ފިޔަވަޅެކެވެ.
މި ލިސްޓުގައި ހިމެނެނީ "އޮސްޓްރޭލިއާ، އިނގިރޭސިވިލާތް، އީޔޫގެ ގައުމުތައް، އަދި އައިސްލޭންޑް، ކެނެޑާ، ލެޚްތެޝްޓެއިންއާއި މޮނާކޯ، ނިއުޒީލެންޑް، ނޯވޭ، ކޮރެއާ، ސެން މެރީނޯ، ސިންގަޕޫރު، އެމެރިކާ، ޓައިވާން، ޔޫކްރެއިން، މޮންޓެނީގްރޯ، ސްވިޒަލެންޑް، ޖަޕާން" އެވެ.
މީގެ ތެރެއިން ގިނަ ޤައުމުތަކުން ވަނީ ރަޝިޔާއާއި ރަޝިޔާގެ މަހުޖަނުންނާއި ޕުޓިންއާއި ދެކޮޅަށް ދަތިކުރުމުގެ ފިޔަވަޅު ވެސް އެޅިކަމަށް އިއުލާން ކުރި ގައުމުތަކެވެ.
