މޮރޮކޯއާއި ޖޯޑަންއާއި އިންޑިއާއިން ގުޅިގެން ކަޝްމީރުގައި މި ބޭއްވީ ކޮން ކުޅިވަރުގެ މުބާރާތެއް ހެއްޔެވެ؟ މި ތިން ގައުމުން ގުޅިގެން ބާއްވާފައިވާ މުބާރާތަކީ އާއިން ބޯލް ޓޯނަމެންޓެވެ.
މި ތިން ގައުމުން މި މުބާރާތް ބާއްވާފައި ވަނީ މި މަހުގެ ހަތް ވަނަ ދުވަހު ކަޝްމީރުގައެވެ.
އާއިން ބޯލް ޓޯނަމެންޓަކީ އިންޑިއާގެ މުހައްމަދު ހާމާން އުފެއްދި ކުޅިވަރެކެވެ. އޭނާ ވަނީ މޮރޮކޯއާއި ޖޯޑަންގައި މިކުޅިވަރު ތައާރަފްކޮށްދީފައވެ. އަދި އޭނާގެ މި މަސައްކަތަށް ކުޅިވަރުގެ ދާއިރާއިން ޔޫއޭއީގައި ދޭ މަތީފެންވަރުގެ މުޙައްމަދު ބިން ރާޝިދު އާލްމަކްތޫމް އިނާމުވެސް ދީފައި ވެއެވެ.
އިންޑިއާގެ 28 ސްޓޭޓްގެ ތެރޭން 25 ސްޓޭޓްގައި ކުޅޭ މުހައްމަދު ހާމާން ތައާރަފް ކޮށްދިން މި ކުޅިވަރަކީ ފިޒިކަލް ކުޅިވަރެކެވެ. އަދި މިއީ ކުލަތައް ބޭނުން ކޮށްގެން ވިސްނުން ތެރިކަމާއެކު ކުޅޭ ކުޅިވަރެކެވެ.
އާއިން ކުޅިވަރުގެ ކަންކަން އިންޑިއާގައި ބަލަހައްޓަނީ އާއިން ބޯލް ފެޑެރޭޝަން އޮފް އިންޑިއާއިން ނެވެ. މި ފެޑެރޭޝަންގެ ރައީސަކީވެސް މުހައްމަދު ހާމާންއެވެ. މައުލޫމާތު https://aainballindia.com
