ފެނަކަ އިންސްޓިޓިއުޓުން ކުރިއަށް ގެންދާ ސީ3 އިލެކްޓްރިކަލް އިންސްޓޮލޭޝަން އެންޑް މެއިންޓެނަންސް ބެޗް 1 ގެ ތިއަރީ އަދި އަމަލީ އިމްތިހާނު 10 ދަރިވަރަކު ފުރިހަމަ ކޮށްފިއެވެ. މި އިމްތިހާން ބާއްވާފައިވަނީ ހދ. ކުޅުދުއްފުށީގައެވެ. މިއީ މޯލްޑިވްސް ކޮލިފިކޭޝަން އޮތޯރިޓީން އެޕްރޫވް ކޮށްފައިވާ ކޯހެކެވެ.
މިއީ ރަށްރަށުގައި ފެނަކައިން ހިންގާ އިޖީނުގެތަކަށް ބޭނުންވާ މީހުންނަށް ކަމާގުޅޭ ތަމްރީނުދީ އެމީހުންނަކީ ހުނަރުވެރި ބައެއް ކަމަށް ހެދުމަށް ހިންގާ ކޯސްތަކެކެވެ. މި ޕްރޮގްރާމުގެ ދަށުން ހއ. ކެލާގައި ހިންގި ކޯހުގެ އިމްތިހާން މިއަދު އޮންނާނެއެވެ. މި އިމްތިހާނުގައި 7 ދަރިވަރަކު ބައިވެރިވާނެއެވެ. މިއީ ތިން މަސްދުވަހުގެ ޕްރޮގްރާމެކެވެ.
މި ޕްރޮގްރާމުގެ ދަށުން މީހުން އުފެއްދުމުން ފެނަކައަށް ދިމާވެފައިވާ ޓެކްނިކަލް މީހުން ލިބުމުގެ މައްސަލައަށް އަންނަނީ ވަރަށްބޮޑު ލުއިފަސޭހަކަމެއް ލިބެމުންނެވެ. ފެނަކަ އިންސްޓިޓިއުޓުން ގެންދަވަނީ ކަރަންޓާއި ފެނާއި ނަރުދަމާ ގެ މަސައްކަތަށް ބޭނުންވާ ފަންނީ މީހުން ތަމްރީން ކުރައްވަމުންނެވެ.
ފެނަކަކޯޕަރޭޝަންގެ މެނޭޖިންޑިރެކްޓަރ ކަމާ އަޙުމަދު ސަޢީދު މުހައްމަދު ހަވާލުވެ ވަޑައިގެންނެވުމަށްފަހު ކޮށްދެއްވައިފައިވާ ޚިދުމަތްތަކުގެ ތެރެއިން އެންމެ ބޮޑަށް ފާހަގަކޮށްލެވޭ އެއްކަމަކީ ފެނަކަ އިންސްޓިޓިއުޓު އުފައްދަވައި މީހުން ތަމްރީން ކުރައްވަން ފެށްޓެވުމެވެ.
