އަފްޣާނިސްތާނުގެ ތާލިބާން ސަރުކާރުން ވަނީ އިންޝުއަރެންސް ކުންފުނިތަކުގެ ހިންގުން ހުއްޓުވާލާފައެވެ. އިންޝުއަރެންސް ކުންފުނިތަކަށް ވަގުތީ ސަރުކާރުން ފޮނުވި ރަސްމީ ސިޓީއެއްގައި ބުނެފައިވަނީ، ޕަބްލިކް އަދި ޕްރައިވެޓް އިންޝުއަރެންސް ފާމްތަކުގެ ހުރިހާ ހަރަކާތެއް ވަކި އެއްޗެއް އަންގަންދެން މަޑުޖައްސާލަން ޖެހޭ ކަމަށެވެ.
އެ ސިޓީގައި ބުނަނީ އިންޝުއަރެންސް އިންޑަސްޓްރީގެ ރޫހަކީ އިސްލާމީ އުސޫލުތަކާ ހިލާފު ކަމެއްތޯ ނުވަތަ ނޫންތޯ ކަނޑައެޅުމަށް އަފްޣާނިސްތާނުގެ ސައިންސް އެކަޑަމީގައި މަޝްވަރާ ކުރަމުން އަންނަ ކަމަށެވެ.
އަފްޣާނިސްތާނުގައި ޑިމޮކްރެޓިކް ސަރުކާރުން އިންޝޫރެންސް ކުންފުނިތަކުގެ ވިޔަފާރިއަށް ހުޅުވާލި ފަހުން 20 އަހަރުގެ ތެރޭގައި، ސަރުކާރު ހިއްސާވާ އިންޝުއަރެންސް އިދާރާތަކާއި އަމިއްލަ އިންޝުއަރެންސް ކުންފުނިތަކުން ވަނީ އިންވެސްޓްކޮށް، މާލީ ގޮތުން ހިރާސް ބޮޑެތި އިންވެސްޓްމެންޓްތައް ކޮށްފައެވެ.
އަފްޣާނިސްތާނުގެ އިޤްތިޞާދު އިނދެޖެހުނީ މިދިޔަ އަހަރުގެ އޮގަސްޓް މަހުގެ 15 ވަނަ ދުވަހު ޠާލިބާނުންގެ އަތްމައްޗަށް އަފްޣާނިސްތާނުގެ ސަރުކާރު ފުރޮޅާލުމާ ގުޅިގެންނެވެ. މިހާރު އިންޝޫރެންސްގެ ދާއިރާގައި މަސައްކަތް ކުރާ އެތައް ސަތޭކަ ކުންފުނިތަކާއި އެކި ކުންފުނިތަކުގެ މަޝްރޫއުތައް އޮތީ ބަންދުކޮށްފަ އެވެ.
އަފްޣާނިސްތާނުގައި ހަރަކާތްތެރިވާ ތާލިބާން ސަރުކާރުން އިސްލާމީ މިންގަނޑުތަކަށް ބާރުއަޅާފައި ވީ ނަމަވެސް، މިހާތަނަށް އިސްލާމީ ސިޔާސަތެއް ނެރެފައެއް ނުވެއެވެ.
