އެމެރިކާގެ ނެޝަނަލް ސެންޓާ ފޯ މިސްޑް އެންޑް އެކްސްޕްލޮއިޓެޑް ޗިލްޑްރަން އިން ބުނާ ގޮތުގައި ކުޑަ ކުދިންގެ އޮންލައިން ބަރަހަނާ މަންޒަރުތަކުގެ ވިޔަފާރި 2021 ވަނަ އަހަރު ވަނީ ވަރަށް ބޮޑަށް އިތުރުވެފަ އެވެ. އެ ޖަމިއްޔާއިން ބުނީ އޮންލައިންކޮށް ކުޑަ ކުދިން ޖިންސީ މަސައްކަތުގައި ބައިވެރިކުރާ މިންވަރު 2020 އިން 2021 އަށް 35 ޕަސެންޓަށް އިތުރުވެފައިވާ ކަމަށެވެ.
އޮންލައިންކޮށް ކުޑަކުދިންނަށް އޮތް ނުރައްކާ ބެލުމުގެ މަސައްކަތް ކުރިއަށް ގެންދާއިރު، އެ ޖަމާއަތަށް މިފަދަ ޖަރީމާތަކާ ބެހޭ މައުލޫމާތު ދޭ، މިންވަރު އިތުރުވެފައި ވެއެވެ. އަދި މިހާތަނަށް 29.3 މިލިއަން ރިޕޯޓް ލިބިފައިވާ ކަމަށް ބުނެއެވެ.
ބަރަހަނާ މާއްދާތައް ގެންގުޅުމާއި އުފެއްދުމާއި ޑިސްޓްރިބިއުޝަންއާއި ފަތުރުވެރިކަމުގެ ޖިންސީ މަސައްކަތުގައި ކުދިން ގެންގުޅުމާއި އޮޅުވާލައިގެން ކުޑަ ކުދިން ޖިންސީ މަސައްކަތުގައި ބައިވެރި ކުރުމާއި އޮންލައިން ކޮށް ކުޑަކުދިންގެ ނާޖާއިޒު ފައިދާ ނެގުމުގެ މަސައްކަތް އިތުރު ވެފައިވާ ކަމަށްވެސް ރިޕޯޓް ކށްފައި ވެއެވެ.
ނެޝަނަލް ސެންޓާ ފޯ މިސްޑް އެންޑް އެކްސްޕްލޮއިޓެޑް ޗިލްޑްރަން އިން ބުނާ ގޮތުގައި އެޖަމާއަތުން ދަނީ ފުލުހުންނާ ގުޅިގެން މަސައްކަތް ކޮށް ލިބޭ މައުލޫމާތު އަވަސް ފިޔަވަޅު އެޅުމަށް އެދި ފުލުހުންނަށް ދެމުންނެވެ.
