ޕާކިސްތާންގެ ބޮޑު ވަޒިރު އިމްރާން ޚާން އިންޑިއާގެ ޚާރިޖީ ސިޔާސަތަށް ތައުރީފް ކުރައްވައި ވާހަކަ ދެއްކެވުމުން އެކަމާ ދެކޮޅަށް ޕާކިސްތާންގެ އިދިކޮޅު ލީޑަރު ފާޑު ވިދާޅުވެއްޖެއެވެ. އިދިކޮޅު ލީޑަރު ޝެހްބާޒް ޝަރީފް ޕަލަމެންޓްގައި ވިދާޅުވީ، ބޮޑުވަޒީރު އިމްރާން ޚާން ދެއްކެވި ވާހަކަފުޅަކީ ދެކޮޅު ނުޖެހޭ ވާހަކަފުޅެއް ކަމަށެވެ.
ޕާކސްތާންގެ ބޮޑު ވަޒިރު އިމްރާން ޚާން، ޚައިބަރު ޕަޚްތޫން ޚުވާގައި ވާހަކަ ދައްކަވަމުން ވިދާޅުވީ، އިންޑިއާއަކީ އަމިއްލަ މިނިވަން ޚާރިޖީ ސިޔާސަތެއް ގެންގުޅޭ ގައުމެއް ކަމަށެވެ. އަދި އިންޑިއާގެ ޚާރިޖީ ސިޔާސަތުގެ މިނިވަންކަމުން އިންޑިއާ ރައްޔިތުންނަށް ފައިދާ ކުރާ ކަމަށެވެ.
އޭނާ ވިދާޅުވީ އެމެރިކާއާއެކު ކުއޯޑްގައި އިންޑިއާ ހިމެނޭއިރުވެސް އިންޑިއާއިން އެމެރިކާގެ ބަހަށް ރަޝިޔާއާ ދެކޮޅަކަށް ފިޔަވަޅެއް ނައަޅައެވެ.
