ކަޝްމީރުގައި އޭޝިއާގެ އެންމެ ބޮޑު ޓިއުލިޕް ގާޑަން ހުޅުވައިފިއެވެ. ފިނި މޫސުމުގެ އިހުތިފާލަށް "ސިރާޖު ބާގް" ހުޅުވުމާ އެކު، އެތައް ހާސް ޓޫރިސްޓުންނެއް ވަނީ މި ބަގީޗާއަށް ޒިޔާރަތްކޮށްފައެވެ. ގިނަ ދުވަސްތަކެއް ވަންދެން އިންތިޒާރު ކުރަމުން އައި ޓިއުލިޕް ބަގީޗާ ބަލަހައްޓަނީ ޖައްމޫ އެންޑް ކަޝްމީރު ސަރުކާރުގެ ފްލޮރިކަލްޗަރ ޑިޕާޓްމަންޓުންނެވެ.
ރިޕޯޓްތައް ބުނާ ގޮތުން މިއަދު ޗުއްޓީ ނިންމައި ފުރަން ދިޔަ އެތައް ބަޔަކުވެސް ވަނީ ޓިއުލިޕް ބަގީޗާ ހުޅުވިކަން އެނގުމާއެކު އަނބުރައި މި ބަގީޗާއަށް ވަންނަން އައިސްފައެވެ.
ބައެއް މީހުންނާ ހަވާލާދީ ރިޕޯޓް ކށްފައި ވަނީ މިއީ ސުއިޒަރލެންޑާ އެއް ވަރުގެ ރީތި ތަނެއް ކަމަށާއި އުމުރުން އެއް ފަހަރު ނަމަވެސް ކަޝްމީރަށް ކޮންމެ މީހަކުވެސް ޒިޔާރަތް ކުރުމަށް މިމީހުން ހުށަހޅާ ކަމަށެވެ.
މި ބަގީޗާއަކީ، ޖައްމޫގެ މަޝްހޫރު ޑާލް ލޭކް ކައިރީގައި ހަދާފައިވާ ބަގީޗާއެކެވެ. މި ބަގީޗާގައި ހައިސިންތު، ޑެފޮޑިލްސް އަދި ރަންނުކިއުލަސްއާއި ޓިއުލިޕްގެ ތަފާތު ވެރައިޓީތައް ސަފަކަށް އިންދާފައި ވެއެވެ.
މި ބަގީޗާ އަކީ ކޮންމެ އަހަރަކު ވެސް އެތައް މިލިއަން މީހުން ޒިޔާރަތްކުރާ ބަގީޗާއެކެވެ. އެކި އަހަރުތަކުގައި ފިނި މޫސުމްގައި މިބަގީޗާ ހުޅުވަނީ އެކި ދުވަސްވަރުގައެވެ. އެހެންވެ، މި ބަގީޗާ ހުޅުވޭނެ ވަގުތެއްގެ އިންތިޒާރުގައި އެކި ސްޓޭޓްތަކުގެ ފަތުރުވެރިން ތިބެއެވެ.
