ރަޝިޔާ މީހުންނަށް ދެން މާލްބަރޯ ސިގިރޭޓް ބޯކަށް ނުލިބޭނެއެވެ. މާލްބަރޯ އުފައްދާ ފިލިޕް މޮރިސްއިން ވެސް ވަނީ ރަޝިޔާއިން ބޭރުވާން ނިންމާފައެވެ. ރަޝިޔާގެ ބާޒާރުން ސިގިރޭޓް އުފައްދާ ދުނިޔޭގެ އެންމެ ބޮޑު ކުންފުނި ބޭރުވާން ނިންމަމުންދާއިރު ލިބޭނެ ގެއްލުން ފޫބެއްދުމަށް އެހެން އޮޕްޝަންތަކެއް ހޯދުމަށް މަސައްކަތް ކުރަމުން އަންނަކަމަށް ވެއެވެ.
އެމެރިކާއާއި އީޔޫން އަޅާފައވާ ދަތިކުރުމުގެ ފިޔަވަޅުތަކުގެ ސަބަބުން ބައިނަލްއަގްވާމީ ބޮޑެތި ކުންފުނިތަކުން ވަނީ ރަޝިޔާގައި ކުރާ ވިޔަފާރި ހުއްޓާލަން ނިންމާފައެވެ.
ރަޝިޔާއަކީ މާލްބަރޯ އުފައްދާ ކުންފުންޏަށް މިދިޔަ އަހަރު ލިބުނު ޖުމްލަ އާމްދަނީގެ 6 އިންސައްތަ ލިބުނު މުހިންމު މާކެޓެވެ. ރަޝިޔާއަކީ ގަދައަށް ސިގިރޭޓް ބޯ މީހުން އުޅޭ ގައުމެކެވެ. އެއީ ދުނިޔޭގެ ހަތަރު ވަނައަށް އެންމެ ބޮޑު ސިނގިރޭޓް މާކެޓެވެ.
