ވަޒީފާގެ ބާޒާރަށް އަހުލުވެރި ޒުވާނުންތަކެއް ބިނާ ކުރުމަށް އިންޑިއާއިން ހުނަރު ދަސްކޮށްދޭ ފަސްހާހެއްހައި މަރުކަޒު އިންޑިއާގެ އެކި ހިސާބުތަކުގައި ބިނާ ކުރަން ނިންމައިފިއެވެ. މިއީ ހުނަރު ތަރައްގީ ކުރުމަށް ބޭނުންވާ ފަރާތްތަކަށާއި ސްކޫލު ތައުލީމުން ވަކި ހސާބަކުން މަހުރޫމްވެފައިވާ މީހުންނަށް ވަޒީފާގެ ފުރުސަތު އިތުރު ކުރުމަށް ހިންގާ މަޝްރޫއެކެވެ.
އިންޑިއާ ސަރުކާރުން ހާމަ ކޮށްފައިވާ ގޮތުގައި ފަސް ހާސް މަރުކަޒަކީ ފުރަތަ ފިޔަވަހީގައި އުފައްދާ މަރުކަޒުތަކުގެ އަދަދެވެ. މިއީ ވަޒީފާ އަށް އެދޭ ފަރާތްތަކަށް ވަށާޖެހޭ ހުނަރު ދަސްކޮށްދިނުމަށާއި ވޮކޭޝަނަލް ޓްރެއިނިން ފޯރުކޮށްދިނުމަށް އިންޑިއާގެ އެކި ކަންކޮޅުތަކުގައި އުފައްދާނެ މަރުކަޒުތަކެކެވެ.
ކިޔަވާ ކުދިންނަށާއި، ސްކޫލުން ކެނޑިފައިވާ މީހުންނަށްވެސް މި ތަންތާގައި ބައިވެރިވުމުގެ ފުރުސަތު އޮންނާނެއެވެ.
މި ސްކިލް ހަބްތައް ބިނާ ކުރާ އިރު މިކަމަށް އިތުރު އިންފްރާސްޓްރަކްޗާއެއް ބޭނުމެއް ނުވެއެވެ. މި ތަންތާގެ މުގައްރަރު ގުޅުވާ ލެވެނީ، ތައުލީމީ ނިޒާމާއި ސްކިލް އިންޑިއާ އިނީޝިއޭޓިވްގައި ހުރި ދާއިރާތަކަށް ބަލައިގެން ތައުލީމު ދޭ ތަންތާނގައި މިހާރު ހުރި އިންފްރާސްޓްރަކްޗާތައް ބޭނުންކޮށްގެންނެވެ.
އިންޑިއާ ސަރުކާރުން ބުނާ ގޮތުގައި މި ޕްރޮގްރާމުގެ މަޤްޞަދަކީ، ޒުވާނުން ހުނަރުވެރިކުރުވައި، އެމީހުންނަށް މަސައްކަތްތެރިކަން ދަސްކޮށްދީ، ސްކިލް ޑިވެލޮޕްމަންޓް އެންޑް އޮންޓްރޮޕްރޮނަރޝިޕްގެ ޤައުމީ ސިޔާސަތު ތަންފީޒު ކުރުމެވެ. މީގ އިތުރުން ރަށްފުށުގެ ސަރަޙައްދުތަކުގައި އިޖްތިމާޢީ އަދި އިޤްތިޞާދީ ކުރިއެރުމަށްޓަކައި ހުނަރުވެރިކަމުގެ މަސައްކަތުގެ މުހިންމު ދާއިރާއެއްގެ ގޮތުގައި، ރަށްފުށުގެ ޒުވާނުންގެ ސްކިލްއާ ގުޅޭ ބޭނުންތައް ފުއްދައިދިނުމަކީ މި ޕްރޮގްރާމުގެ މުހިންމު އެއް މަގްސަދެވެ.
