ޕާކިސްތާންގެ އިދިކޮޅު ފަރާތްތައް ބައިވެރިވެގެން އޭނާއާ ދެކޮޅަށް އިތުބާރު ނެތްކަމުގެ ވޯޓެއް ނަގައިފިނަމަ، ހިމޭނުން ނުހުންނަވާނެ ކަމަށް ޕާކިސްތާންގެ ބޮޑު ވަޒީރު އިމްރާން ޚާން ވިދާޅުވެއެވެ.
އިސްލާމްއާބާދުގައި ނޫސްވެރިންނާ ވާހަކަ ދައްކަވަމުން އިމްރާން ޚާން ވިދާޅުވީ، އިތުބާރު ނެތްކަމުގެ މައްސަލަ ގާތްގަނޑަކަށް ފެއިލްވާނެ ކަމަށެވެ.
އޭނާ ވިދާޅުވީ އިދިކޮޅު ފަރާތްތަކުން އެމީހުންގެ ހުރިހާ ކާޑެއް ހާމަކުރީ މަޖުބޫރުކޮށްގެން ކަމަށާއި އިތުބާރު ނެތް ކަމުގެއ މައްސަލައަކީ އެމީހުންގެ އަތުގައި އޮތް އެންމެ ފަހުގެ އުކުޅު ކަމަށެވެ.
ޚާން ވިދާޅުވީ އިތުބާރު ނެތްކަމުގެ ވޯޓު ޕާލަމެންޓްގައި ނެގުމުގެ އެއް ދުވަސް ކުރިން އިދިކޮޅު ފަރާތްތައް ސިސުވައި ލައްވާނެ ކަމަށެވެ. އަދި މިހާރު އިދިކޮޅު ފަރާތްތަކުން ކުޅޭ ހުރިހައި ގޭމެއް ބޭޒާރުވެފައި ވާއިރު އެއިރުން އިސްތިއުފާ ދެނީ ކޮން ބައެއްކަން ހާމަވެގެން ދާނެ ކަމަށެވެ.
