ނޯޑިކްގެ ގައުމުތަކުން ބަންގްލަދޭޝްއާއި އެކު އޮންނަ ގުޅުމަށް 50 އަހަރު ފުރުން ފާހަގަ ކޮށްފިއެވެ. ނޯޑިކްގެ ގައުމުތައް ކަމަށްވާ ނޯވޭ، ޑެންމާކް އަދި ސްވިޑެންގެ ސަފީރުން ވަނީ ބަންގްލަދޭޝްގެ ބޮޑު ވަޒީރު ޝެއިޚް ހަސީނާއާ ބައްދަލުކުރައްވާފައެވެ.
ބޮޑު ވަޒީރުގެ ގެކޮޅުގައި ކުރިއަށްދިޔަ މި ބައްދަލުވުމުގައި ދެ ފަރާތުގެ ގައުމުތަކުގެ ތާރީޚާއި ރަޙްމަތްތެރިކަމާއި، މުސްތަޤްބަލުގެ ޕާޓްނަރޝިޕްގެ މައްޗަށް އަލިއަޅުވާލާފައިވެއެވެ. މި ގައުމުތަކުގެ ސަފީރުން ވަނީ ޕާލަމެންޓްގެ ރައީސް ޑރ. ޝީރީން ޝަރްމިން ޗޯދުރީއާ އެކުވެސް ބައްދަލުވުމެއް ބާއްވާފައެވެ.
މި ބައްދަލުކުރެއްވުންތަކުގައި ނޯޑިކް ޤައުމުތަކުން ވަނީ މިންތީގެ ހަމަހަމަކަމާއި، އިންސާނީ ޙައްޤުތަކުގެ މުހިންމުކަމުގެ މައްޗަށް އަލިއަޅުއްވައި ވާހަކަދައްކަވާފައެވެ.
އަދި، ބަންގްލަދޭޝްގެ ތަރައްޤީގައި، ޑިމޮކްރެސީއާއި މިނިވަން އިންސާފުވެރި އިންތިޚާބުގެ މުހިންމުކަމުގެ މައްޗަށްވެސް ވާހަކަ ދައްކަވާފައެވެ.
މި ބޭފުޅުން ވަނީ ނޯޑިކް ޤައުމުތަކާއި ބަނގްލަދޭޝްއާ ދެމެދު ވިޔަފާރީގެ މުޢާމަލާތްތައް އިތުރުކުރުމުގެ ފުރްޞަތު އޮތް މިންވަރުގެ މައްޗަށް އަލިއަޅުއްވައިލައްވައި، ދެމެހެއްޓެނިވި ތަރައްޤީއާއި، ފެހި އިންޤިލާބާއި، ސްމާޓް ސިޓީތަކާއި، ޑިޖިޓައިޒޭޝަން ފަދަ ދާއިރާތަކުން ނޯޑިކް ގައުމުތަކުގެ ކުންފުނިތަކުން ދޭ އަހަންމިއްޔަތުގެ މައްޗަށް އަލިއަޅުއްވައިލައްވާފައެވެ.
ބަންގްލަދޭޝް 1972 ވަނަ އަހަރުގެ ފެބްރުއަރީ މަހުގެ 4 ވަނަ ދުވަހު މިނިވަންކަން އިއުލާން ކުރިއިރު، އެންމެ ފުރަތަމައަށް ބަންގްލަދޭޝް ބަލައިގަތް ގައުމުތަކުގެ ތެރޭގައި ނޯޑިކް ޤައުމުތައް ހިމެނެއެވެ.
