އިސްރާއީލުގެ ބޮޑުވަޒީރު ނަފްޓަލީ ބެނެޓް އާދީއްތަ ދުވަހު ވިދާޅުވީ، އިޒްރޭލަކީ ސަރައްދުގައި ސުލްހަ ގާއިމް ކުރަން މަސައްކަތް ކުރާ ގައުމެއްކަން އަރަބިން ނަށް މިހާރު އެނގިއްޖެ ކަމަށެވެ.
އެމެރިކާ، މިޞްރު، އެމިރޭޓްސް، ބަޙްރައިން އަދި މޮރޮކޯގެ ޚާރިޖީ ވަޒީރުން ބައިވެރިވެވަޑައިގަންނަވާ ގޮތަށް، ހަ ގައުމުގެ ސަމިޓެއް އިޒްރޭލު ގެ ބާނީ ޑޭވިޑް ބިން ގޯރިއޯންގެ މަހާނަ ކައިރީގައި ނަގަބް ސަހަރާގައި ބޭއްވުމށް ހަމަޖެހިފައި ވެއެވެ.
ރަސްމީ ހިބްރޫ ޗެނަލް ކާންސްއިން ރިޕޯޓްކުރާ ގޮތުގައި، މި ސަމިޓަކީ މެދުއިރުމަތީގެ މެދުމިނުގެ ގައުމުތައް ގުޅުވާލުމަށްޓަކައ ބާއްވާ ސަމިޓެކެވެ.
އީރާނާ ބެހޭގޮތުން ބެނެޓް ވިދާޅުވީ، ޓެރަރިސްޓް ޖަމާއަތްތަކުގެ ލިސްޓުން އީރާނުގެ ރިވޮލިއުޝަނަރީ ގާޑުން އުނިކުރުމުގެ ވިސްނުން އެމެރިކާއިން ގެންގުޅޭވިސްނުމަކީ ހިތާމަ ކުރާ ކަމެއް ކަމަށެވެ.
ބެނެޓް އާދީއްތަ ދުވަހު އޭނާގެ ޓްވިޓާ އެކައުންޓްގައި ލިޔުއްވާފައި ވަނީ "މިސްރު، ޔޫއޭއީ، މޮރޮކޯ އަދި ބަހްރެއިންގެ ޚާރިޖީ ވަޒީރުން - އިސްރާއީލަށް މަރުހަބާ!" މިހެން ނެވެ.
މި ދިޔަ ހަފްތާގައި މިސްރުގެ ޢަބްދުލް ފައްތާޙް އަލްސީސީ އާއި އަބޫދާބީގެ ވަލީއަޙުދު މުޙައްމަދު ބިން ޒާއިދު އާއެކު ޝަރްމް އެލްޝެއިޚް ރިޒޯޓުގައި މިދިޔަ ހަފްތާގައި ބޭއްވެވި ބައްދަލުވުމަކާ ބެހޭގޮތުން ވާހަކަފުޅު ދައްކަވަމުން ބެނެޓް ވިދާޅުވީ، "މިދިޔަ ހަފްތާގައި އަޅުގަނޑުމެންނަށް ފެނިގެން ދިޔައީ، ރައީސް ސީސީއާއި އަބޫދާބީގެ ވަލީއަހުދާ އެކު ބޭއްވުނު ބައްދަލުވުމުގައި ވަރަށް މުހިންމު ހިނދުކޮޅެއް. މިޞްރާއެކު އޮތް ޒަމާންވީ ޞުލްޙަ، އަޅުގަނޑުމެންގެ އާ ޞުލްޙަ، އަބްރަހަމް އެކޯޑްސްއާ އެއް ގޮތްވި" ކަމަށެވެ.
