އިންޑިއާއިން ސްރީލަންކާއަށް ވެދޭ ކާނާގެ އެހީގެ ފުރަތަމަ ޝިޕްމެންޓް ތައްޔާރު ކުރަން ފަށައިފިއެވެ. މިއީ، ސްރީލަންކާއަށް ފޮނުވާ ކާބޯތަކެތީގެ ފުރަތަމަ ބޮޑު އެހީގެ ތެރޭގައި ހިމެނޭ އަވަސް އަދި ފުރަތަމަ ޝިޕްމެންޓެވެ.
މަސްއޫލު ފަރާތްތަކުން ރޮއިޓާޒްއަށް މައުލޫމާތު ދީފައިވާ ގޮތުގައި މި ޝިޕްމެންޓްގައި ހިމެނެނީ 40،000 ޓަނުގެ ހަނޑުލެވެ.
22 މިލިއަން މީހުންގެ މައްޗަށް އެކުލެވޭ އާބާދީއަށް ބޭނުންވާ ޒަރޫރީ އިމްޕޯޓަށް ފައިސާ ދެއްކުމަށް ދަތިތަކެއް ވަނީ ކުރިމަތި ވެފައެވެ.
ސްރީލަންކާގެ ދެ އަހަރު ދުވަހުގެ ތެރޭގައި ފޮރިން އެކްސްޗޭންޖް ރިޒާވް ވަނީ 70 ޕަސެންޓަށް ދަށަށް ގޮސްފައެވެ. މީގެ ސަބަބުން، ފައިސާގެ އަގު ދަށްވެ، ދުނިޔޭގެ ލޯނުދޭ ފަރާތްތަކުގެ އެހީ ހޯދުމަށް މަސައްކަތް ކުރަން ކޮޅުނބަށް މަޖުބޫރުވެފައި ވެއެވެ.
އިންޑިއާއިން ފޮނުވާ ކާޑުގެ ޝިޕްމަންޓް މި ފޮނުވަނީ ލަންކާގައި އޮންނަ މުހިންމު ދީނީ ފެސްޓިވަލެއްގެ ކުރިންނެވެ.
ތެލުގެ ސަޕްލައި ދަށްވެ، ކާބޯތަކެތީގެ އަގުތައް އަތްނުފޯރާ ފަށަށް މައްޗަށް ގޮސްފައި ވުމުން މުޒާހަރާތައް އާންމުވެ މީހުން މާޔޫސްވެފައި ވެއެވެ. އިންޑިއާއިން ވަނީ ސްރީލަންކާއަށް ބޭނުންވާ އަސާސީ ސާމާނަށް އެއް ބިލިއަން ޑޮލަރު ދީފައެވެ. ޗައިނާއިން ދަނީ އަދިވެސް ލަންކާއަށް އެހީ ދިނުމަށް ވިސްނަމުންނެވެ.
ސްރީލަންކާއިން ދަނީ އިންޓަރނޭޝަނަލް މަނިޓަރީ ފަންޑާއެކު މަޝްވަރާކުރުމަށް ތައްޔާރުވަމުންނެވެ.
ދުނިޔޭގެ އެންމެ ގިނައިން ހަނޑޫ އެކްސްޕޯޓު ކުރާ އިންޑިއާއިން މިދިޔަ މަހު ވަނީ ތެލާއި ކާބޯތަކެއްޗާއި ބޭސް ފަދަ ޒަރޫރީ ބާވަތްތަކުގެ ދަތިކަން ހައްލު ކުރުމަށް އެހީވެދީފައެވެ.
ހަނޑުލުގެ ޝިޕްމަންޓްތަކުގެ ސަބަބުން ކޮލަމްބޯއަށް ހަނޑުލުގެ އަގު ހެޔޮކުރުމަށް އެހީތެރިވެދޭނެއެވެ، އަދި ހަނޑުލަކީ އޭގެ އަގު ބޮޑުވެއްޖެނަމަ، ރައްޔިތުން ކޮންޓްރޯލް ކުރުމުގައި ދަތިތަކާ ކުރިމަތިލާން ޖެހޭނެ މައްސަލައެކެވެ.
އިންޑިއަން ކްރެޑިޓް ފެސިލިޓީގެ ދަށުން ސްރީލަންކާ ސްޓޭޓް ޓްރޭޑިން ކޯޕަރޭޝަނަށް ހަނޑޫ ސަޕްލައި ކުރާ ޕަޓްބަހީ އެގްރޯ ފުޑްސްގެ މެނޭޖިން ޑިރެކްޓަރު ބީވީ ކްރިޝްނާ ރާއޯ ވިދާޅުވި ގޮތުގައި ދެކުނު އިންޑިއާގެ ބަނދަރުތަކުގައި ލަންކާއަށް ފުރާ ބޯޓްތަކަށް ހަނޑޫ ލޯޑު ކުރުމުގެ މަސައްކަތް ވަނީ ފެށިފަ އެވެ.
