ސްރީލަންކާގައި ހަނޑޫ ކިލޯއެއްގެ އަގު އުޅެނީ 220 ރުޕީސްއަށެވެ. ގޮދަން ކިލޯއެއްގެ އަގު އުޅެނީ 190 ރުޕީސްއަށެވެ. ހަކުރު ކިލޯއެއް އުޅެނީ 240ރ އަށެވެ. ކާށި ތެޔޮ ލީޓަރެއް އުޅެނީ 850ރ އަށެވެ. ބިހެއް އުޅެނީ 30ރއަށެވެ. އެއް ކިލޯގެ ހިކި ކިރު ޕެކެޓެއް ޕެކެޓއްގެ އަގަކީ 1900 ރުޕީސްއެވެ. ސްރީލަންކާގެ ރިޒާވް ހުސްވުމާ ގުޅިގެން ސްރީލަންކާ މިހާރު އޮތީ ބޭރު ފައިސާ ހުސްވުމުގެ ބޮޑު ކާރިސާއެއްގެ ތެރޭގައެވެ.
ޒަރޫރީ ބޭނުންތަކަށް އެތެރެކުރާ ތަކެތީގެ ބިލަށް ސަރުކާރަށް ފައިސާ ދެއްކޭނެ ގޮތެއް ނެތެވެ.
ވޯލްޑް ބޭންކުގެ އަންދާޒާތައް ދައްކާ ގޮތުން، މި އިގްތިސާދީ ކާރިސާގައި ސްރީލަންކާގެ 5 މިލިއަން މީހުން ވަނީ ފަގީރު ކަމަށް ވެށްޓިފައެވެ.
ސްރީލަންކާއިން ޗައިނާއަށް އެކަނި ވެސް ފަސް ބިލިއަނަށް ވުރެ ގިނަ ޑޮލަރުގެ ދަރަނި ދައްކަން އެބަ އޮތެވެ. ނޮވެމްބަރު މަހުގެ ނިޔަލަށް ލަންކާގައި ލިބެން ހުރި ބޭރު ފައިސާގެ ރިޒާވް ހުރީ އެންމެ 1.58 ބިލިއަން ޑޮލަރުގައެވެ. 2019 ވަނަ އަހަރު ރާޖަޕަކްސަ ރައީސްކަމަށް ވަޑައިގެންނެވި އިރު ހުރީ 7.5 ބިލިއަން ޑޮލަރަށް ވުރެ ކުޑަ އަދަދެކެވެ.
