އެމެރިކާއާއި އީރާނުން 2015 ވަނަ އަހަރު އެކުލަވާލި ނިއުކްލިޔަރ އެއްބަސްވުން އަލުން ދިރުވުމުގެ މަޤްޞަދުގައި ވިއެނާގައި ކުރިއަށް ގެންދިޔަ މަޝްވަރާތައް ހުއްޓާލުމުގެ ޒިންމާ އެމެރިކާއިން އުފުލަން ޖެހޭނެ ކަމަށް އީރާނުން ބުނެއެވެ.
އީރާނުގެ ޚާރިޖީ ވުޒާރާގެ ތަރުޖަމާނު ސަޢީދު ޚަތީބުޒާދާ މިއަދު ވިދާޅުވީ މި އެއްބަސްވުމަކީ ދެ ފަރާތުގެ ޚިލާފްތައް އެއްގޮތް ކުރުމަށްފަހު ސޮއި ކުރެވޭ ވަރަށް ގެނެވިފައިވާ އެއްބަސްވުމެއް ކަމަށާއި ނަމަވެސް އެމެރިކާގެ ރައީސް ޖޯ ބައިޑަން މި އެއްބަސްވުމަށް އަލުނ އަމަލު ކުރުމާމެދު އަދި ގޮތެއް ނުނިންމަވާކަމަށެވެ. އަދި މި މަޝްވަރާތައް އެމެރިކާގެ ދާޚިލީ ސިޔާސަތުގެ ހޮސްޓޭޖަކަށް ވެފައިވާ ކަމަށްވެސް އޭނާ ވިދާޅުވިއެވެ.
މި އެއްބަސްވުން އަލުން ދިރުވުމަށް ވޮޝިންޓަނުން ސިޔާސީ ނިންމުމެއް ނިންމަން ޖެހޭ ކަމަށާއި، އެމެރިކާގެ އިންތިޒާރުގައި ތެހެރާނުން އަބަދު އިންތިޒާރު ނުކުރާނެ ކަމަށް އޭނާ ވިދާޅުވިއެވެ.
ޒާދާ ވަނީ އެމެރިކާއިން ފިއްތައިގެން ނަތީޖާ އެއް ނުހޯދޭނެ ކަމަށާއި، އީރާނަކީ ސަރަހައްދީ މައްސަލަތަކާ އަޅުވައިގެން މަޝްވަރާތަކުން ނަތީޖާ ހޯދަން ބޭނުންވާ ގައުމެއް ނޫން ކަމަށް ވިދާޅުވިއެވެ.
