ކެލިފޯނިއާގެ ސެކްރެމެންޓޯގައި ފަތިހު ދިން ބަޑީގެ ހަމަލާތަކެއްގައި ހަ މީހުން މަރުވެ 12 މީހުން ޒަހަމްވެފައިވާ ކަމަށް ފުލުހުން ބުނެއެވެ.
ސިޓީ ފުލުހުން އެމީހުންގެ ޓްވިޓާ އެކައުންޓްގައި ބުނެފައި ވަނީ ބަޑީގެ ހަމަލާ ދީފައިވާ ސެކްރެމެންޓޯ ސިޓީގެ އެ ސަރަހައްދު ބަންދުކޮށްފައިވާކަމަށެވެ. ފުލުހުން ބުނި ގޮތުން މި ހަމަލާގައި އެކަކަށް ވުރެ ގިނަ މީހުން ބައިވެރިވި ކަމަށާއި ނަމަވެސް ތުހުމަތު ކުރެވޭ މީހުން އަދިވެސް ތިބީ ދޫވެފައެވެ.
ސްޓޭޓްގެ ގަނޫނު ހަދާ މަޖިލީހާ ކައިރި އިމާރާތްތަކެއްގައި ހިނގި މި މާރާމާރީގައި ތުހުމަތު ކުރެވޭ އެއްވެސް މީހެއްގެ މައުލޫމާތެއް އަދި މި ހަމަލަ ދިނުމުގެ މަގްސަދާ ބެހޭ އެއްވެސް މައުލޫމާތެއް ފުލުހުން ދީފައެއް ނުވެއެވެ.
