ޕާކިސްތާން ޕީޕަލްސް ޕާޓީގެ ޗެއާމަން ބިލާވަލް ބުއްޓޫ ޒަރްދާރީ ވަނީ އިމްރާން ޚާންގެ ބަޣާވާތް ހުއްޓުވައި، ޕާކިސްތާނުގައި އުފެދިފައިވާ ސިޔާސީ މައްސަލަ ހައްލުކުރުމަށް ސުޕްރީމް ކޯޓުގެ ފުލް ކޯޓް ބެންޗެއް އެކުލަވާލުމަށް ސުޕްރީމް ކޯޓަށް މިއަދު އިލްތިމާސް ކުރައްވާފައެވެ.
އިސްލާމްއާބާދުގައި ނޫސްވެރިންނާ ބައްދަލުކުރައްވައި އޭނާ ދެއްކެވި ވާހަކަފުޅުގައި، އާދީއްތަ ދުވަހު ނޭޗަނަލް އެސެމްބްލީގައި ހިނގައިދިޔަ ކަންތައްތަކަކީ، ޤާނޫނުއަސާސީއާ ކަނޑައެޅިގެން ޚިލާފް ކަންތައްތަކެއް ކަމުގައި ވިދާޅުވިއެވެ.
އޭނާ ވިދާޅުވީ ބޮޑުވަޒީރު މަގާމުން ދުރުކުރެވޭނެ ގާނޫނީ އެއް ގޮތަކީ އިތުބާރު ނެތް ކަމުގެ ވޯޓެއް ނެގުމެވެ. އިމްރާން ޚާން، ހަމައެކަނި އޭނާގެ އަމިއްލަ ފުޅު މަސްލަހަތަށްޓަކައި، ގާނޫނު އަސާސީއާ ހިލާފުވެ، އިތުބާރު ނެތްކަމުގެ ޕްރޮސެސް ހަލާކުކޮށްލެއްވީ ކަމުގައި އޭނާ ވިދާޅުވިއެވެ.
ބިލާވަލް މިފަދައިން ވަހަކަ ދެއްކެވީ، ބޮޑުވަޒީރު ޚާންގެ އިތުބާރު ނެތްކަމުގެ މައްސަލަ އާދީއްތަ ދުވަހު ނޭޝަނަލް އެސެމްބްލީގެ ނައިބު ރައީސް ޤާސިމް ސޫރީ ބޭރު ކުރެއްވުމަށްފަހު، ރައީސް އާރިފް އަލްވީ ނޭޝަނަލް ސެމްބްލީ އުވާލެއްވުމާ ގުޅިގެންނެވެ.
