ރަޝިއާ އާއި ޔޫކްރެއިންއާ ދެމެދު ހިނގަމުންދާ ހަނގުރާމައިގެ ސަބަބުން އިގްތިސާދީ ގޮތުން ކުރާ އަސަރުތަކުގެ ސަބަބުން އެމެރިކާ، ޖަރުމަނު، ފްރާންސް އަދި އިނގިރޭސިވިލާތުގެ ލީޑަރުންނަށް ސިޔާސީ ގޮތުން ބޮޑެތި ނޭދެވޭ އަސަރުތަކެއް ކޮށްފާނެ ކަމަށް ގާޑިއަން ނޫހުން ބުނެއެވެ.
އަދި، ޔޫކްރެއިންގެ ހަނގުރާމައަށް ކުރާ ހޭދަ ބޮޑުވުމުގެ ސަބަބުން، ހުޅަނގުގެ ޑިމޮކްރަސީތަކުން ޔޫކްރެއިންއަށް މިހާރު އޮތް ތާއީދު ކިހާ ދުވަހެއް ވަންދެން ދަމަހައްޓާނެތޯ ވެސް ގާޑިއަން ނޫހުގައި މި ރިޕޯޓް ލިޔުނު ފޮރިން އެފެއާޒް އެނަލިސްޓެއް ކަމަށްވާ ސިމޮން ޓިސްޑޭލް ވަނީ ސުއާލު ކޮށްފައެވެ.
ނޫސްތަކުގެ ސުރުޚީތަކުގައި މި ހަނގުރާމައިގެ ވާހަކަ މަދުވެގެން ގޮސސް އަދި ރައްޔިތުންވެސް މި ކަން މަތިން ފޫހި ވެއްޖެނެމަ، ހުޅަނގުގެ ސަރުކާރުތަކުން މިހަނގުރާމަ ނަގަހައްޓަން އަދިވެސް ބޭނުންވާނެ ތޯވެސް ސުއާލުކޮށްފައި ވެއެވެ.
ޑިސްޑޭލް ބުނާ ގޮތުން ހުޅަނގުގެ ލޯއްބަކީ ޝަރުތަކާއެކު އޮތް ލޯއްބެއް ކަން ޔޫކްރެއިންގެ ރައީސް ވޮލޮޑިމީރް ޒެލެންސްކީއަށް ރަނގަޅަށް އެނގި ވަޑައި ގަންނަވައެވެ. އެ ޝަރުތަކީ ރަޝިޔާގެ ޕޫޓިން ރުޅި އަރުވާލުމެވެ. އަނެއް ކޮޅުން އިނގިރޭސިންނާއި ފަރްނސޭސިން ބޭނުން ވަނީ އަވަސް ހައްލަކަށް ދިއުން ކަންވެސް އޭނާއަށް އެނގު ވަޑައި ގަންނަވާ ކަމަށާއި މި އަވަސް ހައްލަކީ ޔުކްރެއިންގެ މަސްލަހަތާ ފުށުއަރާ ކަމެއް ކަންވެސް އޭނާއަށް އިހުސާސް ކުރެއްވޭ ކަމަށެވެ.
އަދި މި ނޫހުން ބުނެފައިވާ ގޮތުގައި ޖަރުމަނުގެ ޗާންސެލަރ އޯލާފް ޝުލްޒް މިހާރު ސަމާލުކަން ދެއްވަނީ ޖަރުމަންވިލާތަށް ހަކަތައިގެ ސަޕްލައި ރައްކާތެރިކަމާއެކު ލިބުމާ ބެހޭ ގޮތުންނެވެ. އޭނާއަށް އޭނާގެ ގައުމުގެ ހަކަތައިގެ ރައްކާތެރިކަން ޔޫރަޕްގެ ސަލާމަތަށް ވުރެން މުހިންމު ކަމަށެވެ.
މި ރިޕޯޓް ބުނާ ގޮތުން ޔުކްރއިންގެ ހަނގުރާމަ ދިގު ލައިގެން ގޮސްފިނަމަ، ޔޫރަޕްގައި ހަނގުރާމައަށްދޭ ތާއީދާމެދު ބަހުސްތައް އިތުރުވެ ކަންކަން ހަލަބޮލި ވެގެންދާނެއެވެ.
