އެމެރިކާއިން ޕާކިސްތާންގެ ސަރުކާރު ވައްޓާލަން އުޅޭކަމަށް ބުނެ ސަރުކާރުން ދައްކާ ވާހަކަތައް ޕާކިސްތާނުގެ %64 މީހުން ގަބޫލު ނުކުރާ ކަމަށް ގެލަޕް ޕާކިސްތާން ސާވޭއިން ދައްކައެވެ. އާންމުން ދެކޭ ގޮތުގައި ޕާކިސްތާން ސަރުކާރުން މި ވާހަކަ ފަތުރަނީ، ތަކެތީގެ އަގުތައް މައްޗަށް ގޮސް އެކަމުގެ އެންމެ ބޮޑު އަސްލަކީ ސަރުކާރު ކަމަށް ރައްޔިތުން ބުނުމން އެކަން ހައްލު ކުރުމަށް ސަރުކާރުން ނުކުޅެދުމުން އެވާހަކަތައް މަތިޖަހަން ކަމަށެވެ.
ނަމަވެސް، މި ސާވޭގެ ބައިވެރިންގެ ތެރެއިން 36 އިންސައްތަ މީހުން ގަބޫލުކުރާ ގޮތުގައި، ޕާކިސްތާންގެ ސަރުކާރު ވައްޓާލުމަށް ހަމަ ހަގީގަތުގައިވެސް އެމެރިކާގެ މަކަރުވެރި ރޭވުމެއް އެބަ އޮތެވެ.
މި ގެލަޕް ސާވޭ ކޮށްފައި ވަނީ 2022 ވަނަ އަހަރުގެ އޭޕްރީލް މަހުގެ 3-4 އަށް 800 ގޭބިސީއެއްގެ ހިޔާލު ހޯދައިގެންނެވެ.
