އިންޑިއާއިން ސްރީލަންކާއަށް ދީފައިވާ ލައިންސް އޮފް ކްރެޑިޓް (އެލްއޯސީ)ގެ އަދަދު މިހާރު 1.5 ބިލިއަން ޑޮލަރަށް އަރައިފިއެވެ. ސްރީލަންކާއަށް އިންޑިއާއިން ފައިނޭންޝަލް ޕެކޭޖެއް އިތުރުކޮށްފައި މިވަނީ، އެ ގައުމުގެ އެތެރޭގެ އިގުތިސޯދު ހަމައަކަށް އެޅުވުމަށް އެހީތެރިވެދިނުމުގެ ގޮތުން ކަމަށް ކޮޅުނބުގައި ހުންނަވާ އިންޑިއާގެ އެމްބެސެޑަރު ވިދާޅުވެއެވެ.
މިއަހަރުގެ ޖަނަވަރީ މަހުން ފެށިގެން އިންޑިއާއިން ސްރީލަންކާއަށް އެކިފަހަރު މަތިން ދެމުން ގެންދާ އިގްތިސާދީ އެހީތެރިކަން 2.5 ބިލިއަން ޑޮލަރަށްވުރެ މައްޗަށް އަރާފައިވާ ކަމަށް އިންޑިއާގެ މަންދޫބު ކުރިން ވަނީ ވިދާޅުވެފައެވެ.
އެމްބެސެޑަރ ބަގްލޭ ވިދާޅުވީ، ތެޔޮ ގަތުމަށް 500 މިލިއަން ޑޮލަރުގެ ލައިން އޮފް ކްރެޑިޓްގައި ސްރީލަންކާއިން ފެބްރުއަރީ މަހު ސޮއިކޮށްފައިވާ ކަމަށާއި މާޗް މަސް ފެށުނު ފަހުން 150،000 ޓަނަށް ވުރެ ގިނަ ޖެޓް އޭވިއޭޝަން ފިއުލް އާއި ޑީސަލް އަދި ޕެޓްރޯލް ހިމެނޭ ހަތަރު ޝިޕްމަންޓެއް އންޑިއާއިން ލަންކާއަށް ފޮނުވާފައިވާ ކަމަށެވެ.
އޭނާ ވިދާޅުވީ މެއި މަހާ ހަމައަށް އިތުރު ފަސް ޝިޕްމަންޓެއް ކުރިއަށް ގެންދަން ޖެހޭ ކަމަށާއި ކާބޯތަކެއްޗާއި ބޭސް އަދި ޒަރޫރީ ބޭނުންތަކަށް ބޭނުންވާ ތަކެއްޗަށް އެއް ބިލިއަން ޑޮލަރުގެ އިތުރު ލައިން އޮފް ކްރެޑިޓްގައި މިދިޔަ މަހު ސޮއިކޮށްފައިވާނެ ކަމަށެވެ.
ކޮލަމްބޯއަށް ދޭ އެއް ބިލިއަން ޑޮލަރުގެ ލައިން އޮފް ކްރެޑިޓްގެ ސަބަބުން އެގައުމުގެ ކާބޯތަކެތީގެ އަގުތަކާއި ތެލުގެ ޚަރަދުތައް ހިފެހެއްޓުމަށް އެހީތެރިވެދޭނެ އެވެ. އޭގެ އިތުރުން، ބާގްލީ ވިދާޅުވީ، މި ކްރެޑިޓް ފެސިލިޓީގެ ދަށުން އިންޑިއާއިން ފުރަތަމަ ފަހަރަށް ދަޅުމަސް ޝިޕްމަންޓެއް ވަރަށް އަވަހަށް ސްރީލަންކާއަށް އަންނާނެ ކަމަށް ބެލެވޭ ކަމަށެވެ.
އަދި އިންޑިއާއިން ވަނީ 400 މިލިއަން ޑޮލަރުގެ ކަރަންސީ ސްވޮޕް އިތުރުކޮށް، އޭޝިއަން ކްލިއަރެންސް ޔޫނިއަންގެ ދަށުން ސްރީލަންކާގެ މަރުކަޒީ ބޭންކުން އިންޑިއާގެ ރިޒާވް ބޭންކަށް ދައްކަންޖެހޭ ފައިސާ ދެއްކުންވެސް ފަސްކޮށްދީފައެވެ.
އިންޑީއާއިން ސްރީލންކާއަށް ފޮނުވާ ހަނޑުލުގެ ޝީޕްމެންޓްވެސް ވަނީ މިހާރު ފުރާފައެވެ.
