ބަރަކާތްތެރި ރަމަޟާން މަހާ ދިމާކޮށް ޔަމަނުގެ އެތައް މިލިއަން ރައްޔިތުންނަށް އެކަށީގެންވާ މިންވަރަށް ކާބޯތަކެތި ނުލިބޭ ކަމަށް އދއިން ބުނެފިއެވެ. ޔަމަންގެ ހަނގުރާމަ ހުއްޓާލުމަށް ދެ ފަރާތުން އެއްބަސްވެފައިވީ ނަމަވެސް، ދެ ބައި މީހުންވެސް ދަނީ އެއް ބަޔަކު އަނެއް ބަޔަކަށް އެއްބަސްވުމާ ޚިލާފްވިކަމަށް ބުނެ ތުހުމަތު ކުރަމުންނެވެ. އދން ބުނަނީ ޔަމަނުގެ އެތައް މިލިއަން ރައްޔިތުންނެއްގެ ދިރިއުޅުމުގެ ހާލަތު ދަނީ އިތުރަށް ގޯސްވަމުން ކަމަށެވެ.
"މިއަހަރުގެ ރަމަޟާން މަހު ޔަމަނުގެ އެތައް މިލިއަން ރައްޔިތކަށް އެކަށީގެންވާ މިންވަރަށް ކާބޯތަކެއްޗެއް ނުލިބޭ" އިންސާނީ އެހީއާ ބެހޭ އދގެ އިދާރާއިން އިތުރު ތަފްސީލެއް ނުދީ ކުރި ޓްވީޓެއްގައި ބުނެފައި ވެއެވެ.
އާދީއްތަ ދުވަހު އިންޓަރނޭޝަނަލް ކޮމިޓީ އޮފް ދަ ރެޑް ކްރޮސްއިން ވެސް ބުނެފައިވަނީ ޔަމަނުގެ ކާޑުގެ ބޭނުންތައް ހީވެސް ނުކުރާފަދަ ގޮތަކަށް އިތުރުވެފައިވާ ކަމަށެވެ.
މިދިޔަ ހަފުތާގައި އދ.ގެ އިންޓަނޭޝަނަލް އޯގަނައިޒޭޝަން ފޯ މައިގްރޭޝަން (އައިއޯއެމް) އިން ބުނެފައި ވަނީ ޔަމަންގެ ހަތް އަހަރަށް ވުރެ ގިނަ ދުވަހުގެ ހަނގުރާމައިގެ ނަތީޖާގެ ސަބަބުން ޔަމަނުގެ 25.5 މިލިއަނަށް ވުރެ ގިނަ ރައްޔިތުން އިންތިހާއަށް ފަގީރުވެފައިވާ ކަމަށެވެ.
