އދގެ ހިއުމަން ރައިޓްސް ކައުންސިލުގައި ރަޝިޔާ ސަސްޕެންޑް ކުރުމަށް ދެކުނު އޭޝިއާގެ އެއްވެސް ގައުމަކުން ވޯޓެއް ނުދެއެވެ. ދެކުނު އޭޝިއާގެ ހުހައި ގައުމަކުންވެސް ވަނީ މި ވޯޓްގައި އެބްސްޓެއިން ކޮށްފައެވެ.
އިއްޔެ އދގެ އާންމު މަޖިލީހަށް އެމެރިކާ އިސްނަގައިގެން ވެއްދި މައްސަލާގައި އެމެރިކާއާއި ބައިވެރިންގެ ހުށަހެޅުމަށް ތާއީދު ކުރީ 93 ގައުމަކުންނެވެ. އަދި ދެކޮޅަށް 24 ގައުމަކުން ވޯޓު ދީފައިވާއިރު ދެކުނު އޭޝިއާގެ ހުރިހައި ގައުމަކާއެކު 58 ގައުމަކުން ވަކި ކޮޅަކަށް ވޯޓު ދީފައެއް ނުވެއެވެ.
ރަޝިޔާއަކީ ތިން އަހަރު ދުވަހުގެ މުއްދަތަށް ޖެނީވާގައި ހުންނަ ހިއުމަން ރައިޓްސް ކައުންސިލަށް ހޮވިފައިވާ ގައުމެކެވެ. 47 މެމްބަރު ގައުމުގެ މައްޗަށް އެކުލެވޭ މަޖިލީހުގައި ރަޝިޔާއިން އަދި ފުރިހަމަ ކޮށްފައި ވަނީ އެއް އަހަރެވެ.
މި ވޯޓާ ދެކޮޅަށް ދެކުނު އޭޝިއާއިން ވާހަކަ ދެއްކި އިންޑިއާއިން ބުނެފައި ވަނީ ގައުމެއް ސަސްޕެންޑް ކުރާއިރު އދގެ އުސޫލުތަކަށް ރިއާޔަތް ކޮށް، ހަމައާ އުސޫލުން ކަންކަން ކުރަންވާނެ ކަމަށެވެ. އަދި މައްސަލައަކަށް ވެފައިވާ ޔުކްރެއިންގެ ބޫޝާއަށް މައްސަލަ ތަހުގީގު ކުރުމަށް ޓީމެއް ފޮނުވުމަށްވެސް އިންޑިއާއިން ވަނީ ހުށަހަޅާފައެވެ.
