އިޒްރޭލު ސިފައިންނާއެކު ކުރިމަތި ލުން ހިނގަމުންދާ ގެނީން ރެފިއުޖީ ކޭމްޕްގައި އިސްރާއީލުގެ އުދުވާނީ ބާރުތަކުން ފަލަސްތީނުގެ މީހެއްގެ ގަޔަށް ބަޑިޖަހައި ޝަހީދު ކޮށްލައިފިއެވެ. އިސްރާއީލުގެ ޓެލްއަވީވްގައި ދާދިފަހުން ދިން ހަމަލާގެ ފަހަތުގައިވާ ކަމަށް ތުހުމަތު ކުރެވޭ ބަޑީގެ ހަމަލާދިން ޒުވާނާ ދިރިއުޅޭ ހުޅަނގު އައްސޭރީގެ ޖެނީން ރެފިއުޖީ ކޭމްޕްގައި އިޒްރޭލު ސިފައިން ދަނީ ހަރަކާތްތެރި ވަމުންނެވެ.
އިސްރާއީލުގެ ސިފައިން މީޑިއާއަށް މައުލޫމާތު ދެމުން ބުނެފައިވަނީ، ހިފާފައިވާ ހުޅަނގު އައްސޭރީގެ އުތުރުގައި ފަލަސްތީނުގެ ހަތިޔާރުއެޅި ފެކްޝަންތަކުގެ ބާރުގަދަ ސަރަހައްދެއް ކަމަށްވާ ޖެނީން ކޭމްޕްގައި އަސްކަރީ އޮޕަރޭޝަނެއް ކުރިއަށްދާ ކަމަށެވެ.
ފަލަސްތީނުގެ ސިއްހަތާ ބެހޭ ވުޒާރާއިން ބުނެފައިވަނީ، ޖެނީންގައި އިސްރާއީލުން ދިން ބަޑީގެ ހަމަލާތަކުގައި އިތުރު ފަސްމީހުން ޒަޚަމްވެފައިވާ ކަމަށެވެ.
