އިންޑިއާއާއި އޮސްޓްރޭލިއާއިން ސޮއިކޮށްފައިވާ މިނިވަން ވިޔަފާރީގެ އެއްބަސްވުމަކީ މަޝްވަރާތައް ފެށިތާ 10 އަހަރަށްވުރެ ގިނަ ދުވަސް ފަހުން ސޮއިކޮށްފައިވާ އެއްބަސްވުމެކެވެ. މި އެއްބަސްވުމުގެ ސަބަބުން ފާޅުކަން ބޮޑު ގޮތެއްގައި އިގްތިސާދީ ފައިދާތަކެއް ދެ ގައުމަށް ލިބޭނެއެވެ. މި އެއްބަސްވުމުގެ ސަބަބުން ދެ ގައުމުގެ ވިޔަފާރި ދެގުނަ ވެގެން ދާނެ ކަމަށް ލަފާ ކުރެވެއެވެ. ދެ ގައުމުގެ ދެމެދުގެ ވިޔަފާރި 2021 ވަނަ އަހަރު އޮތީ 27.5 ބިލިއަން ޑޮލަރުގައެވެ.
އޮސްޓްރޭލިއާއިން އިންޑިއާއަށް އެތެރެ ކުރާ 85 ޕަސެންޓް މުދަލުގެ ޑިއުޓީ އުނިވެގެން ދާނެއެވެ. އަދި އިންޑިއާގެ 96 ޕަސެންޓް މުދަލަށް އޮސްޓްރޭލިއާގައި ޑިއުޓީ ފްރީ ވެގެން ދާނެއެވެ.
އިންޑިއާއަކީ އޮސްޓްރޭލިއާއާއި ޖަޕާނާއެކު ޕެސިފިކް ސަރަހައްދުގައި ސަލާމަތީ ގުޅުން ބާއްވާ ގައުމެއްވެސް މެއެވެ. އަދި މިތިން ގައުމުން އެމެރިކއާ ގުޅިގެން ހަތަރު ގައުމުގެ ކުއޯޑު އެލައެންސް ހަދާފައި ވެއެވެ.
މި ހަތަރު ގައުމުގެ މަގްސަދަކީ ޗައިނާގއ ސަޕްލައި ޗެއިންއަށް ބަރޯސާވުން ކުޑަކުރުމެވެ.
