ސްރީލަންކާގައި މާދަމާ ފާހަގަ ކުރާ ސިންގަޅަ އަދި ތަމަޅަ އައު އަހަރުގެ މުނާސަބާއާ މެދުވެރިކޮށް ހަނޑުލުގެ ތަދުމަޑުމަޑުކަމެއް ސްރީލަންކާއަށް އިހުސާސް ވިޔަ ނުދިނުމުގެ ގޮތުން އިންޑިއާއިން ސަޕްލައި ކުރާ 11 ހާސް މެޓްރިކް ޓަނުގެ ހަނޑޫ ކޮޅުނބަށް ފޯރައިފިއެވެ.
މިދިޔަ ހަފްތާގައި އިންޑިއާއިން ވަނީ 16 ހާސް މެޓްރިކް ޓަނުގެ ހަނޑޫ ސަޕްލައި ކޮށްފައެވެ.
އެއް ބިލިއަން ޑޮލަރުގެ ކްރެޑިޓެއް ދިނުމުގެ އިތުރުން އިންޑިއާއިން ވަނީ ތެލާއި ކާނާއާއި ބޭސްވެސް ސްރީލަންކާއަށް ފޮނުވާފައެވެ.
ސްރީލަންކާގެ ސްޓޭޓް ޓްރޭޑިންގ ކޯޕަރޭޝަންގެ ޗެއަރމަން ޔޯގާ ޕެރޭރާ ވިދާޅުވީ ސްރީލަންކާގެ ދަތިހާލުގައި އެހީވާން ވަރަށް ގިނަ ގައުމުތަކުން ހުށަހެޅި ކަމަށެވެ. ނަމަވެސް އިންޑިއާއަކީ ކްރެޑިޓް ލަނެއް ހުޅުވައި އަމަލީ ގޮތުން އެކަން ކުރަން ފެށި ފުރަތަމަ ގައުމެވެ.
