ޔޫކްރެއިންގައި ރަޝިޔާއިން ކުރަމުންދާ ހަނގުރާމައަކީ ނަސްލު ނައްތާލުމުގެ ހަނގުރާމައެއް ކަމަށް އެމެރިކާގެ ރައީސް ޖޯ ބައިޑަން ވިދާޅުވެއްޖެއެވެ. "އާނ، އަހަރެން އެއަށް ކިޔާނީ ނަސްލު ނައްތާލުން،" ވޮޝިންޓަނަށް އެނބުރި ވަޑައިގެން އެއާ ފޯސް ވަންއަށް އަރައިވަޑައިގަތުމުގެ ކުރިން އަޔޯވާގައި ނޫސްވެރިންނާ ވާހަކަ ދައްކަމުން އޭނާ ވިދާޅުވިއެވެ.
ޔޫކްރެއިންގެ ރައީސް ވޮލޮޑިމީރް ޒެލެންސްކީ ވަނީ ބައިޑަންގެ ވާހަކަތަކަށް ތައުރީފު ކުރައްވައި، އިތުރު ތާއީދަށް އެދި ގޮވާލައްވާފައެވެ.
ޕޫޓިންގެ މިވާހައަށް ރައްދު ދެއްވީ މިހާރު އިންތިޚާބެއްގައި އުޅުއްވާ ފަރަންސޭސި ރައީސް އިމަނުއެލް މެކްރޮން އެވެ. އޭނާ ވިދާޅުވީ މިގޮތަށް ޕޫޓިން ސިފަ ކުރެއްވުމުން ހަނގުރާމައެއް ނުހުއްޓޭނެ ކަމަށެވެ.
ބައިޑެންގެ މި ވާހަކަފުޅަކީ ޕޫޓިންއާއި ހަނގުރާމައާ ބެހޭ ގޮތުން އޭނާ ދެއްވި ހަރުކަށި ސްޓޭޓްމެންޓެވެ.
