ޕާކިސްތާންގެ ކުރީގެ ބޮޑު ވަޒީރު އިމްރާން ޚާނާއި އޭނާގެ ބައިވެރިންނާ ސިފައިންނާ ދެމެދު ނުތަނަވަސްކަމެއް އޮތް ކަމަށް ކުރީގެ ހޯމް މިނިސްޓަރ އެއްބަސްވެވަޑައި ގަނެއެވެ. އަވާމީ މުސްލިމް ލީގްގެ ލީޑަރު ޝެއިޚް ރާޝިދު އަހުމަދު ވިދާޅުވަނީ ޕާކިސްތާނު ސިފައިންނަށް ސޯޝަލް މީޑިއާއާއި މުޒޒާހަރާތަކުގައި ދާދިފަހުން އިމްރާން ޚާންގެ ސަޕޯޓަރުންނާއި ޕާޓީ މީހުން އަމާޒުކުރި ފާޑުކިއުންތައް ކުށްވެރި ކުރައްވާ ކަމަށެވެ.
އަދި މިކަމުން ދޭހަވަނީ، ތަހްރީކޭ އިންސާފް ޕާޓީގެ މެމްބަރުންނާއި އިމްރާން ޚާނަށް ސިފައިންގެ މުހިންމު ކަން ނުވިސްނެނީކަންވެސް އޭނާ ވިދާޅުވިއެވެ.
ސޯޝަލް މީޑިއާ ފޯރަމްތަކުގައި ސިފައިންނަށް މި ހަފްތާގައި ފާޑުކިއުންތައް އަމާޒުވެފައި ވެއެވެ. ސިފައިންގެ ލީޑާޝިޕާ ދެކޮޅަށް ޓްވިޓާ ޓްރެންޑްތައް ވަނީ އިތުރުވެ، ވަރުގަދަ ދެކޮޅުވެރިކަމެއް ދައްކާފައެވެ.
ކުރީގެ ބޮޑުވަޒީރު އިމްރާން ޚާންގެ އިތުބާރު ނެތްކަމުގެ މައްސަލަ ކާމިޔާބު ވުމާ ގުޅިގެން، ގައުމުގެ އެކި ހިސާބުހިސާބުގައި ކުރި މުޒާހަރާތަކުގައި ސިފައިންނަށް ފާޑުކިޔައި ޝިއާރުތައް ވެސް ވަނީ ފާޅުކޮށްފަ އެވެ.
މިދިޔަ އާދީއްތަ ދުވަހުން ފެށިގެން ޓްވިޓާގައި އެންމެ ޓްރެންޑިން ހޭޝްޓެގްތައް ހުރީ ސިފައިންނާއި ޖުޑިޝަރީ އަދި އާ ސަރުކާރަށް އަމާޒުކޮށެވެ. އެ ހޭޝްޓެގްތައް ބޭނުންކޮށްގެން ކުރި ޓުވީޓުތައް އިއްޔެއާ ހަމައަށް 4.3 މިލިއަނަށް އަރައިފައިވެއެވެ.
