ނޭޕާލުގެ ބޭރު ފައިސާގެ ރިޒާވް ދަށަށް ދިއުމާ ގުޅިގެން އެގައުމުން ވަނީ ބައެއް ލަގްޒަރީ މުދާ އެތެކުރުން މަނާ ކޮށްފިއެވެ. ފަތުރުވެރިކަމުންނާއި ބޭރުގައި ތިބި ނޭޕާލް މީހުން ގައުމަށް ފޮނުވާ ބޭރު ފައިސާ މަދު ވުމާ ގުޅިގެން އެޅި ފިޔަވަޅުތަކުގެ ތެރޭގައި ކާރާއި ކޮސްމެޓިކްސް އަދި ރަނުގެ އިތުރުން ޒަރޫރީ ނޫން މުދާ އެތެރެކުރުން މަނާކޮށްފައި ވެއެވެ.
ނޭޕާލްގެ މަރުކަޒީ ބޭންކުގެ ގަވަރުނަރުވެސް މިދިޔަ ހަފުތާގައި ވަނީ މަގާމުން ދުރުކޮށްފަ އެވެ.
ނޭޕާލްގެ މާލީ ވަޒީރު ވިދާޅުވީ، ސްރީލަންކާއަށް ކުރިމަތިވެފައިވާ ކާރިސާއާ ނޭޕާލްގެ ހާލަތާ އަޅައި ނުކިޔޭނެ ކަމަށެވެ.
އެ ގައުމުގެ މަރުކަޒީ ބޭންކް، ނޭޕާލް ރާސްތްރާ ބޭންކުން ބުނި ގޮތުގައި ހަތް މަސް ދުވަހުގެ ތެރޭގައި ބޭރު ފައިސާގެ ރިޒާވް ވަނީ 16 ޕަސެންޓަށް ދަށަށް ގޮސް، 9.59 ބިލިއަން ޑޮލަރަށް ވެއްޓިފަ އެވެ.
ހަމަ އެ މުއްދަތުގެ ތެރޭގައި، ރާއްޖެއިން ބޭރުގައި ވަޒީފާ އަދާކުރާ މީހުން ނޭޕާލަށް ފޮނުވި ފައިސާގެ އަދަދުވެސް ވަނީ ގާތްގަނޑަކަށް 5% ދަށަށް ގޮސްފައެވެ.
މަރުކަޒީ ބޭންކުގެ ޑެޕިއުޓީ ސްޕޯކްސްޕާސަން ނާރަޔަން ޕްރަސާދު ޕޮޚަރެލް ރޮއިޓާސް ނިއުސް އެޖެންސީއަށް ވިދާޅުވީ ބެންކުން ގަބޫލުކުރާ ގޮތުގައި އެ ގައުމުގެ ބޭރު ފައިސާގެ ރިޒާވް މިހާރު ވަނީ ޕްރެޝަރަށް ވެށްޓިފައެވެ.
