އަހުލީ ހަނގުރާމައިން ލިބުނު ގެއްލުމުން ބޮސްނިއާއަދިވެސް އުޅެނީ އަރައި ނުގަނެވިގެންނެވެ. އަހަރު ތަކެއް ވަންދެން ނާޒުކު ބޮސްނިއާއިން ނާޒުކު ސުލްހައެއް ދަމަހައްޓަމުންނެވެ.
ރަޝިޔާއިން ޔުކްރެއިންގައި ހަނގުރާމަ ފަށާފައިވާ އިރު، ރަޝިޔާއިން ޔޫރަޕް ގަޑުބަޑުކޮށްލުމަށް މަސައްކަތް ފަށާނެ ނަމަ، ބޯލްކަން އަކީ އެފަދަ ކަމަކަމަށް އެންމެ ފަހި މަސްރަހެވެ. ރަޝިޔާއަކީ ސަރބުންގެ މެދުގައި ނުފޫޒު ގަދަ އާއިލީގޮތުން ގާތް ގައުމެކެވެ.
ސަރބިއާގެ ރައީސަކީ ރަޝިޔާގެ ޕޫޓިންއަށް ތާއީދު ކުރައްވާ ބޭފުޅެކެވެ. ބޮސްނިއާގެ ސާރބް ލީޑަރު މިލޯރާޑް ޑޮޑިކްގެ އަބަދުވެސް އިންޒާރަކީ، ބޮސްނިއާގެ ސަރބުންގެ ސަރަހައްދު ރިޕަބްލިކާ ސަރސްކާ، ބޮސްނިއާއިން ވަކިކޮށްލާނެ ކަމުގެ އިންޒާރެވެ. ބޮސްނިއާ ހަރްޒޮގްވީނާގެ ސަރަހައްދު އަލުން ކުރަހާފައި ވަނީ 1995 ވަނަ އަހަރުގެ ޑިސެމްބަރު މަހު އެމެރިކާގެ ޑެއިޓަންގައި އެކުލަވާލި ޑެއިޓަން ސުލްހައިގެ މުއާހަދާގެ މައްޗަށެވެ.
